দ্বি’লম্বর বিররণ 14:26 - Chakma Bible

²⁶ সে টেঙাগুন্দোই তুমি তমার আওজ্ মজিম জিনিস কিনিবা, যেন গোরু-ছাগল-ভেড়া, আংগুরো-রস, অন্য বাবোত্যে মদ বা তমার আওজ্ মজিম আর কিজু। সে পরেন্দি তুমি তমার পরিবারুন লোইনে তমার গোজেন লগেপ্রভুর মুজুঙোত্‌ হানা-দানা গুরিনে ফুত্তি গুরিবা।

দ্বি’লম্বর বিররণ 14:26 ပူးပေါင်းရင်းမြစ်များ

ইষ্রা 7:22

তুমি তারে তিন আজার্ নয়শ কেজি রূবো, আদার আজার কেজি গম, দ্বিআজার দ্বিশ লিটার আংগুর-রস, দ্বিআজার দ্বিশ লিটার তেল আর যেত্তমান্ নুন্ দরকার সিয়েন দি পারিবো।

গীতসংহিতা 106:14

ধূল্যেচর-চাগালাত্ তারা লুভ্ গুরিনে গোজেনরে যগা চেলাক্।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

মথি লেখ্যে গম্ হবর্ 21:12

পরেদি যীশু উবোসনা-ঘরত্ সোমেল আর সিয়েনত্ যিগুনে বেজা-কিনে গত্তন্ তারারে বেক্কুনোরে ধাবেই দিলো। তে টেঙা বদলেদে মানুচ্চুনোর্ টেবিলানি আর যিগুনে কোদোর্ বেজদন্ তারার্ বুজিবার জাগায়ান্ উল্ল্যে দিইনে কলঅ,

মার্ক 11:15

যিরূশালেমত্ লুমিনে যীশু উবোসনা-ঘরত্ সোমেল আর সিয়েনত্ যিগুনে বেজা-কিনে গত্তন্ তারারে ধাবেই দিলো। তে টেঙা বুদুলি দোন্দে মানুচ্চুনোর্ টেবিলানি আর যিগুনে কোদোর্ বেজদন্ তারার বুজিবার জাগায়ান্ উল্ল্যে দিলো।

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:15

মাত্তর্‌ তমার গোজেন লগেপ্রভু তমারে আশিদ্‌বাদ গুরিনে যিদুক্কুন য়েমান দিবো সিগুন্‌ যে কনঅ আদামত্‌ বা শঅরত্‌ কাবিনে তমা আওজ্ মজিম্‌ য়েরা হেই পারিবা, যেধোক্ক্যেন গুরিনে তমার্‌ সিজি-অসিজি বেক্‌ মানুচ্চুনে চঙড়া বা উরিঙ্‌ য়েরা খান।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 14:25

মাত্তর্‌ সিয়েনি বিজিনে সে টেঙাগুন্দোই তুমি তমার গোজেন লগেপ্রভুর সে বেঈ লোইয়্যে জাগানত্‌ যেবা।

দ্বি’লম্বর বিররণ 26:11

তমার আর তমার গিরিবোরে তমার গোজেন লগেপ্রভু যেদক্কানি গম্‌ গম্‌ জিনিস দিইনে আশিদ্‌বাদ গোজ্যে সিয়েনি লোইনে তুমি, লেবীয়গুনে আর তমা ভিদিরে বিদেশী বাসিন্দাগুনে ফুত্তি গুরিবা।