দ্বি’লম্বর বিররণ 14:21 - Chakma Bible

²¹ মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 14:21 ပူးပေါင်းရင်းမြစ်များ

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যাত্রা 22:30

তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

যিহিষ্কেল 44:31

মুরি যেইয়্যে বা ঝর্‌‌‌‌‌বো য়েমানে কট্টা গোজ্যন্ এবাবোত্যে কনঅ পেগ্ বা য়েমান ধর্মগুরুগুনে ন-হেবাক্।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

লেবীয় 11:40

কনজনে যুনি সেই মরা য়েমানর্‌ য়েরাগান খায়্‌ ছালে তাত্তুন্‌ তার্‌ কাবড়-চুগোর্‌ ধোয় ফেলা পুরিবো আর তে সাজন্যে সং ফিবলা অবস্থায় থেবঅ। কনজনে যুনি সেই মরা য়েমান্নো আঢ্‌তোই তুলে ছালে তাত্তুন্‌ তার্‌ কাবড়-চুগোর্‌ ধোয় ফেলা পুরিবো আর তে সাজোন্যে সং ফিবলা অবস্থায় থেবঅ।

লেবীয় 17:15

“কনঅ জনে যুনি মরা য়েমানর্‌ বা ঝার্‌বো য়েমানে ছিনি ফেলেয়্যে য়েমানর্‌ য়েরা খায়-তে ইস্রায়েলীয় ওক্‌ বা তারার্‌ ভিদিরে বজত্তি-গোজ্যে জাদর্‌ মানুচ্‌ ওক্‌-তাত্তুন্‌ তার্‌ কাবড়-চুগোর্‌ ধোয়নে পানিলোই গাদা পুরিবো। তে সাজোন্যে সং ফি-বলা অবস্থায় থেবঅ, সে পরেদি তে সুদ্ধো-সাংগ অবঅ।

লেবীয় 22:8

তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

দ্বি’লম্বর বিররণ 14:20

মাত্তর্‌ যিদুক্কুন্‌ প্রাণীর ডুয়ো আঘে আর সিজি সিগুন্‌ তুমি হেই পারিবা।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

১ পিতর 1:16

পবিত্র বোইবোত্ গোজেনে কোইয়্যেদে, “মুই পবিত্র বিলিনে তমাত্তুন্অ পবিত্র উয়ো পড়িবো।”