দ্বি’লম্বর বিররণ 14:2 - Chakma Bible

² তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

দ্বি’লম্বর বিররণ 14:2 ပူးပေါင်းရင်းမြစ်များ

ইষ্রা 9:2

তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিহিষ্কেল 21:2

ও মান্‌‌‌‌জ্যর পুয়োবো, তর্ মুয়োন তুই যিরূশালেম ইন্দি থোইনে উবোসনা-ঘর বিরুদ্ধে কধা কঅ আর ইস্রায়েল দেজর্ বিরুদ্ধে আগাম্ কধা কঅ।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

লেবীয় 11:45

কিত্তেই মুই লগেপ্রভু; তমার্ গোজেন অবাত্তে মুই মিসর দেজত্তুন্‌ তমারে নিগিলেই আন্যং। মুই পবিত্র বিলি তমাত্তুনো পবিত্র অয়া পুরিবো।

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 28:9

যুনি তুমি তমার গোজেন লগেপ্রভুর উগুমানি পালন গরঅ আর তার পদেন্দি আদঅ সালে তে তার শমক্‌ গোজ্যে এগেম্ মজিম, তার যুদো গোজ্যে জাদ ইজেবে তমারে থিয়্যেবাত্তে দিবো।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

দ্বি’লম্বর বিররণ 7:7

অন্য জাদত্তুন্‌ তমার মান্‌জ্যর সোংখ্যেগুন বেশ্‌ মনে গুরিনে যে লগেপ্রভু তমা সমারে নিজোরে কোচ্‌পানার্‌ সুদোলোই বাঁন্যে বা তমারে বেঈ নেযেয়্যে সিয়েন্‌ নয়, কিত্যে অন্য বেক্‌ জাদত্তুন্‌ তমার মান্‌জ্যর সোংখ্যেগুন কম।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।