দ্বি’লম্বর বিররণ 13:4 - Chakma Bible

⁴ তমার গোজেন লগেপ্রভুর কধা মজিম্ তমাত্তুন্‌ চলা পুরিবো আর তারে ভোক্তি গরা পুরিবো। তুমি তার উগুমানি পালেবা আর তার বাধ্য ওইনে চলিবা; তুমি তারে সেবা গুরিবা আর তারে আজাবোদে ধুরি থেবা।

দ্বি’লম্বর বিররণ 13:4 ပူးပေါင်းရင်းမြစ်များ

২ রাজাবলী 23:3

রাজা মঞ্চ উগুরে থিয়্যেইনে লগেপ্রভুর পধেন্দি আদিবাত্তে আর বেক্‌ মনান-পরাণান্‌ দিইনে তার্‌ বেক্‌ উগুমানি, সুদোমানি আর নিদ্দেশ্‌ছানি মানিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ গুরিলো। সেক্কে বেক্‌ মানুচ্চুনে রাজার লগে এক্কুই শমক্‌ গুরিলাক্‌।

২ বংশধর 34:31

রাজা তার্‌ নিজোর্‌ জাগানত্‌ থিয়্যেইনে লগেপ্রভুর পধেন্দি আদিবাত্তে আর বেক্‌ মনান্‌-পরাণান্‌ দিইনে তার্‌ বেক্‌ উগুমানি, সুদোম্‌ আর হুকুমানি মানি চলিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ খেলঅ।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

১ করিন্হীয় 6:17

মাত্তর্ যে কেঅ প্রভুর্ সমারে এগত্তর্ অয়, তে তা সমারে আত্মালোই এক অয়।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

২ যোহন 1:6

কোচ্‌পানাগান অলঅ গোজেনর্ উগুম মজিম্ চলানা। তুমি পৌইল্যাত্তুন্ ধুরি যে উগুমানর্ কধা শুনি এচ্চ্য সেবাবোত্যেগুরি তুমি কোচ্‌পানার্ পধেদি চলঅ।

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”