দ্বি’লম্বর বিররণ 13:16 - Chakma Bible

¹⁶ সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 13:16 ပူးပေါင်းရင်းမြစ်များ

যাত্রা 22:19

কনঅ‌‌ য়েমান সমারে যুনি কনজনে সিনেলী গরন্‌ সালে হামাক্কায়্‌ তারে মারে ফেলা পুরিবো।

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিহিষ্কেল 26:14

মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

মীখা 1:6

সেনত্তে লগেপ্রভু কত্তে, “শমরিয়াগানরে মুই খুলো মাদর্ ভস্তর্ খুর্ বানেম, আর সিয়েন অবঅ আংগুর গাজ লাগেবার জাগা। মুই তা পাত্তরুন কলগত্ ফেলেই দিম আর তা গোড়াগান খুলো রাগেম।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

যিহোশূয় 6:21

তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

যিহোশূয় 6:26

ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

যিহোশূয় 8:28

এধোক্ক্যেনগুরি যিহোশূয় অয় শঅ‌রান্‌ পুড়ি দিইনে সিয়েনরে উমরত্তে এক্কান ভস্তর্ কুড়্‌ বানেই রাগেল; এজঅ‌ সিয়েন্‌ এক্কান পোড়া জাগা ওই আঘে।