দ্বি’লম্বর বিররণ 12:6 - Chakma Bible

⁶ তুমি তমার পুজ্যে-উৎসর্গ আর অন্য য়েমান-উৎসর্ব, তমার আয়র্‌ দশ ভাগর এক ভাগ, তমার বিশেষ দান আর মান্যা ছিড়েবার উৎসর্ব, তমার নিজোর আওজে গোজ্যে উৎসর্ব আর তমার গোরু-ছাগল-ভেড়ার পত্তম্‌ ছঅবুয়ো সিয়োদোই নেযেবা।

দ্বি’লম্বর বিররণ 12:6 ပူးပေါင်းရင်းမြစ်များ

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

২ বংশধর 7:12

পরেন্দি এক্‌ রেদোত্‌ লগেপ্রভু শলোমনরে দেগা দিইনে কলঅ, মুই তর্‌ তবনাগান শুন্যং আর উৎসর্বর অনুষ্ঠানান্‌ গুরিবাত্তে ঘর ইজেবে মত্তে মুই এ জাগায়ান বেঈ লোইয়োং।

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

নহিমিয় 10:39

ধনভান্ডালর যিদুক্কুন্‌ গুদিত্‌ সুদ্ধো-সাংগ জাগানত্‌ পযাপিরা রাগা অয় আর সেবাগুরিয়্যে ধর্মগুরুগুনে, চুগিদারুনে আর গানগেইয়্যেগুনে থান্‌ সিয়েনত্‌ ইস্রায়েলীয়গুনে আর লেবীয়গুনে তারার্‌ শোজ্য, নূয়ো আংগুর-রস আর তেল লোই এবাক্‌। আমা গোজেনর ঘরর্‌ কামত্তেই যিয়েনি দরকার্‌ আমি সিয়েনি দিয়্যে ধুরিবোং।

গীতসংহিতা 116:17

মুই তর্ নাঙে ভালেদি জানেবার-উৎসর্গর্ অনুষ্ঠান গুরিম আর তর্ বাঈনী গরানা ফগদাং গুরিম।

যিহিষ্কেল 20:40

সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

লেবীয় 1:3

যুনি তে পুজ্যে-উৎসর্বর্‌ অনুষ্ঠান্‌ গোরুলোই গুরিবাত্যে চায় সালে সিবে থুদো নেইয়্যে গোরু উয়ো পুরিবো। লগেপ্রভু যেনে তা উগুরে হুজি অয় সেনত্তে তাত্তুন্ সে গোরুবো মিলন-তাম্বুল দোরান ইদু আনা পুরিবো।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মালাখি 3:8

মান্‌‌জ্যে কি গোজেনরে ঠোগেবাক্? মাত্তর্ তুমি দঅ মরে ঠগর্। তো তুমি কত্তে, ‘আমি তরে কেধোক্ক্যেন্‌গুরি ঠোগের্?’ দশমাংশ আর দান পৌইদ্যেনে তুমি মরে ঠগর্।

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 18:12

মুই সাপ্তায় দ্বিবার্ উবোচ্‌ থাং আর মর্ বেক্ আয়ত্তুন্ দশ ভাগর্ এক ভাগ্ তরে দুয়োং।

দ্বি’লম্বর বিররণ 12:17

ইয়েন বাদে তমার শোজ্য, নূয়ো আংগুর-রস আর তেলর দশ ভাগর এক ভাগ, গোরু-ছাগল-ভেড়ার পত্তম ছঅবুয়ো, তমার্‌ মান্যা জিনিসছানি, তমার্‌ নিজোর আওজে গোজ্যে কনঅ উৎসর্ব আর বিশেষ দান তমার নিজোর আদাম্মে বা শঅর ভিদিরে হেই ন-পারিবা।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

যিহোশূয় 22:27

ইবে তমার আর আমা ভিদিরে আর আমার বংশধরুনো ভিদিরে এ সাক্ষিগান দিবো, আমি লগেপ্রভুর মুজুঙোত্‌ আমার পুজ্যে-উৎসর্ব আর অন্য এ্যমান-উৎসর্ব আর উদোলোলি-উৎসর্বর অনুষ্ঠান গুরিনে তার তবনা গুরিবোং। সালে আগামিদি তমার বংশধরুনে আমার বংশধরুনোরে এ কধাগান কোই ন-পারিবাক্‌, লগেপ্রভু উগুরে তমার কনঅ‌ দাবি নেই।

১ শমূয়েল 1:21

পরেন্দি ইল্‌কানা পত্তি বজর ধোক্ক্যেন তা গিরির্ বেক্কুনোরে নেযেইনে লগেপ্রভুর নাঙে য়েমান-উৎসর্ব আর মান্যা ছিড়েবাত্তে গেলঅ।

১ শমূয়েল 1:24

পূঅবোরে দুধ এরানার পরেন্দি হান্না তিন্নো দামাড়া গোরু, আদার কেজি মোইদে, চামর্‌ থৈইলেত্‌ গুরিনে এক থৈল্যে আংগুর-রস আর পূঅবোরে লগে নেযেইনে শীলোদত্ লগেপ্রভুর ঘরত্‌ গেলঅ। পূঅবো সেক্কেয়ো চিগোন এলঅ।