দ্বি’লম্বর বিররণ 12:32 - Chakma Bible

³² মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 12:32 ပူးပေါင်းရင်းမြစ်များ

২ রাজাবলী 17:37

তে যেদক্কানি সুদোম, হুকুম, আইন আর উগুম তমাত্তে লিগি দিয়্যে সিয়েনি গমেডালে পালেবা। তুমি দেব-দেবেদার পূজো ন-গুরিবা।

গম্ উপদেজ্ 30:6

তা কধানি সমারে অন্য কনঅ কধা ন-মিজেবা; মিজেলে তে তঅ দুষ্‌‌ছান দেগেই দিবো, আর তুই মিজে কধা কোইয়্যে বিলিনে প্রমান্ অবঅ।

যিহিষ্কেল 44:5

সেক্কে লগেপ্রভু মরে কলঅ, ও মান্‌জ্যর্ পুয়োবো, তুই গমেডালে চাহ্ আর কানেদি শুন্ আহ্ মঅ ঘর পৌইদ্যেনে মুই তরে যেদক্কানি সুদোম্ আর রীদি-সুদোম পৌইদ্যেনে কোম্ সিয়েনি বেক্কানিত্ মনযোগ দে। উবোসনা-ঘরত্ কন্না সোমেই পারিবো আর কন্না সোমেই ন-পারিবো সে পৌইদ্যেনে মনযোগ দে।‌‌

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

দ্বি’লম্বর বিররণ 13:18

কিত্যে এচ্চ্যে মুই তমারে যেদক্কানি উগুম দুয়োঙর্‌ সিয়েনি পালন গরঅ আর তার চোগেদি যিয়েনি গম্‌ সিয়েনি গরঅ তুমি তমার গোজেন লগেপ্রভুর বাধ্য ওইয়ো।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।