দ্বি’লম্বর বিররণ 12:3 - Chakma Bible

³ তারার্ ডালিপূজোগুন ভাঙি দিবা, পূজোর পাত্তরুন কট্টা কট্টা গুরি দিবা, পূজোর আশেরা খুঁদোগুন পুড়ি ফেলেই দিবা, দেব-দেবীর মূত্তিগুন ভাঙি ফেলেই দিবা আর ইঙিরিনে সে বেক্‌ জাগানিত্তুন্‌ তারার্‌ দেব-দেবেদাগুনোর নাঙানি পুঝি ফেলেবা।

দ্বি’লম্বর বিররণ 12:3 ပူးပေါင်းရင်းမြစ်များ

১ রাজাবলী 14:15

লগেপ্রভু ইস্রায়েলরে আঘাত্‌ গুরিবো, সেক্কে সিয়েন্‌ পানি উগুরে ধুলি ধুলি থেইয়্যে নল-হাগাড়া ধোক্কেন্‌ অবঅ। যে দেজ্‌ছান তে তারার্‌ পূরোণি মানুচ্চুনোরে দিয়্যে সে দোল্‌ দেজ্‌ছানত্তুন তে তারারে উগুরে তুলি দিইনে ইউফ্রেটিস গাঙর্‌ উপারত্‌ ছিদিই দিবো, কিত্তেই আশেরা-খুদোবো থিদেবর্ গুরিনে তারা লগেপ্রভুরে অহুজি গোজ্যন্‌।

১ রাজাবলী 15:13

এন্‌ কি, তে তার্‌ বরঙাবো মাখারেয়ো রাজমাতার পধত্তুন্‌ সোরেই দিলো, কিত্তে তে ইক্কো জঘন্য আশেরা-মূত্তি বানেয়্যে। আসা সে মূত্তিবো কাবি ফেলেইনে কিদ্রোণ কিঝিঙোত্‌ নেযেইনে সিবে পুড়ি ফেলেল।

২ রাজাবলী 11:18

সে পরেন্দি দেজর্‌ বেক্‌ মানুচ্চুনে বাল দেবেদার মন্দিরোত্‌ যেইনে সিয়েন্‌ ভাঙি ফেলেলাক্‌। তারা সে জাগানর্‌ ডালিপূজোগুন আর মূত্তিগুন্‌ ভাঙিনে কট্টা কট্টা গুরি ফেলেলাক্‌ আর বাল দেবেদার ধর্মগুরু মত্তনরে পূজোগুনোর্‌ মুজুঙোত্‌ মারে ফেলেলাক্‌। পরেন্দি ধর্মগুরু যিহোয়াদা লগেপ্রভুর ঘরত্‌ চুগিদার নেযেল।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

২ রাজাবলী 23:14

যোশিয় পূজোর্ পাত্তরুন্‌ ভাঙি ফেলেল আর আশেরা-খুদোগুন্‌অ কাবি ফেলেল আর সে জাগায়ানি মান্‌জ্য আড়গোড়ালোই ঢাগি দিলো।

২ বংশধর 14:2

আসা তার্‌ গোজেন লগেপ্রভুর চোগোত্‌ যিয়েনি গম্‌ আর ঠিগ্‌ সিয়েনিই গুরিদো।

২ বংশধর 14:3

তে দেব-দেবেদার ঢালিঘরানি আর পূজোর অজল্‌ জাগায়ানি ভস্ত গুরিলো আর পূজো পাত্তরুন্‌ কট্টা কট্টা গুরিলো আর আশেরা-খুদোগুন্‌ কাবি ফেলেল।

২ বংশধর 19:3

মাত্তর্‌ তঅ ভিদিরে কিজু গম্‌অ আঘে, কিত্তে তুই দেজর্‌ আশেরা-খুদোগুন্‌ ভস্ত গুরি দুয়োচ্ আর গোজেন আওজ্‌ মজিম্‌ চলিবাত্তে তঅ মনান্‌ ঠিগ্‌ গোজ্যস্‌।”

২ বংশধর 31:1

পরবর্‌ বেক্কানি থুম্‌ অনার্‌ পরেন্দি সিয়েনত্‌ আঝিল্ ওইয়্যে ইস্রায়েলীয়গুনে নিগিলিনে যিহূদার শঅরানিত্‌ যেইনে পূজোর্‌ পাত্তরুন্‌, আশেরা-খুদোগুন, পূজোর্‌ অজল্‌ জাগায়ান আর ডালিপূজোগুন্‌ এক্কুবারে ভস্ত গুরি দিলাক্‌। তারা যিহূদা, বিন্যামীন, ইফ্রয়িম আর মনঃশি-গুট্টির পুরো চাগালাত্‌ একই কাম্‌ গুরিলাক্‌। ইয়েনি বেক্কানি ভস্ত গরানার পর্‌ ইস্রায়েলীয়গুনে আদামত্‌ আর শঅরত্‌ নিজোর্‌ নিজোর্‌ জাগাত্‌ ফিরি গেলাক্‌।

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।

গীতসংহিতা 16:4

যিগুনে দেবেদাগুনোরে বক্‌শীজ্ দিইনে নিজোর্ গুরি নেযান্ তারার্ দুখ্‌কানি বাড়িবো। তারা লোর্ যে ঢালন-উৎসর্ব গরন মুই সিয়েন্ ন-গরং; দেবেদাগুনোর্ নাঙানিয়ো মুই মুয়োত্ ন-আনিম।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

যাত্রা 23:24

তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

যাত্রা 34:13

তুমি তারার্‌ ডালিপূজোগুন্‌ ভাঙি ফেলেবা, তারার্‌ পূজোর্‌ পাত্তরুন্‌ কট্টা কট্টা গুরি ফেলেবা আর তারার্‌ পূজোর্‌ আশেরা-খুদোগুন্‌ কাবি ফেলেবা।

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিরমিয় 17:2

ডেলা-পাদা ছোড়েয়্যে য়েল্ গাজর্ তলে অজল্ অজল্ মুড়ো উগুরে তারার পুজো আশেরা-মূত্তিগুন তারার পুয়ো-ছাগুনো ইধুয়ো গম্।

হোশেয় 2:17

তা মুয়োত্তুন্ মুই বাল দেবেদাগুনোর্ নাঙানি দূর্ গুরি দিম; তে আর বাল দেবেদাগুনোরে ন-ডাগিবো।

মীখা 5:14

মুই তঅ ভিদিরেত্তুন্ বেক্ আশেরা-খুদোগুন উগুরে ফেলেম আর তর্ শঅরানি ভাঙি ফেলেম।

দ্বি’লম্বর বিররণ 12:4

তুমি তমার গোজেন লগেপ্রভুর উবোসনা তারার্‌ পূজোগুনো ধোক্ক্যেন গুরি ন-গুরিবা।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

দ্বি’লম্বর বিররণ 7:5

তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।

বিচের গুরিয়্যেগুন 2:2

তুমি এ দেজর মানুচ্চুনো সমারে কনঅ‌ চুক্তি ন-গুরিবা বরং তারার্‌ ডালিপূজোগুন ভাঙি ফেলেবা।’ মাত্তর্‌ তুমি মঅ কধার অবাধ্য ওইয়ো। তুমি কেধোক্কেন্ গুরিনে এ বাবোত্যে কাম্‌ গুরিলা।