দ্বি’লম্বর বিররণ 12:23 - Chakma Bible

²³ মাত্তর্‌ উঝিয়ার! লো ন-হেবা, কিত্যে লো-গান্‌ অলদে পরাণ, আর তুমি য়েরাগান সমারে সে পরাণান ন-হেবা।

দ্বি’লম্বর বিররণ 12:23 ပူးပေါင်းရင်းမြစ်များ

পত্থম 9:4

মাত্তর্ জেদাবাদে, অত্তাৎ লো-সুমুত্তো য়েরা তুমি ন-হেবা।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 17:11

কিত্তে লো-গান ভিদিরে থাইদে পরাণবলাগুনোর্‌ পরানান্‌। সেনত্তেই তমার্‌ পরানর্‌ বদলে মুই সিয়েন্দোই পূজোবো উগুরে তমা পাপ্পানি ঢাগি দিবার্‌ বেবস্থা দুয়োং। লো-গান ভিদিরে পরানান্‌ আঘে বিলিই সিয়েন্‌ পাপ কাদেই দে।

লেবীয় 19:26

লো সুদ্ধো কনঅ য়েরা ন-হেবা। লক্ষন-বিদ্যে বা মায়াবিদ্যে বেবহার্‌ গরানা ন-চলিবো।

লেবীয় 7:26

কনঅ পেক্‌ বা য়েমানর্‌ লো তুমি হেই ন-পারিবা, তুমি যিয়োদোই থেদা সাৎ।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

দ্বি’লম্বর বিররণ 12:16

মাত্তর্‌ তুমি লো হেই ন-পারিবা; সিয়েন পানি ধোক্ক্যেন গুরি মাদিত্‌ ঢালি দিয়্যে পুরিবো।

দ্বি’লম্বর বিররণ 12:22

কৃষ্ণসার বা উরিঙোর্‌ য়েরা ধোক্ক্যেন তুমি সিয়েনি হেবা। সিজি-অসিজি বেক্কানি তুমি হেই পারিবা।

দ্বি’লম্বর বিররণ 12:24

তুমি লো-ন-হেবা, সিয়েন পানি ধোক্ক্যেন গুরি মাদিথ্‌ ঢালি দিবা।

দ্বি’লম্বর বিররণ 15:23

মাত্তর্‌ তুমি তার লো-গান ন হেবা; পানি ধোক্ক্যেন গুরি সিয়েন মাদিত্‌ ঢালি দিবা।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।

১ শমূয়েল 14:32

সেনত্তেই তারা লুদেয়্যে জিনিসছানি উগুরে ঝাবেই পুরিনে ভেড়াছাগল, গোরু, গোরু ছঅগুনোরে ধুরি মাদিত্‌ পোড়েইনে কাবিকাবাই লো সুমুত্তো য়েরা খা ধুরিলাক্।

১ শমূয়েল 14:33

সেক্কে মানুচ্চুনে যেইনে শৌলরে কলাক্কে, “চাহ্, তারা বেক্কুনে লো সুমুত্তো য়েরা খেইনে লগেপ্রভুর বিরুদ্ধে পাপ গোজ্যন্‌।” তে কলদে, “তুমি অবিশ্বেজী ওইয়ো। ইক্কিনে আর দেরী ন-গুরিনে এক্কো দাঙর্‌ পাত্তর্‌ ইয়েনত্‌ লোই এজঅ।”