দ্বি’লম্বর বিররণ 12:21 - Chakma Bible

²¹ তমার গোজেন লগেপ্রভু নিজোরে ফগদাং গুরিবাত্তে যে জাগায়ান বেঈ নেযেব সিয়েন্‌ যুনি তমাত্তুন্‌ বোউত্‌ দূরোত্‌ অয়, সালে মর্‌ দিয়্যে উগুম মজিম তুমি লগেপ্রভুর দিয়্যে গোরু-ভেড়ার পালত্তুন্‌ য়েমান নেযেইনে কাবি পারিবা আর যার যার আদাম আর শঅরত্‌ আওজ্ মজিম য়েরা হেই পারিবা।

দ্বি’লম্বর বিররণ 12:21 ပူးပေါင်းရင်းမြစ်များ

১ রাজাবলী 14:21

ইন্দি যিহূদা দেজত্‌ শলোমন পূঅবো রহবিয়ামে রাজাগিরি গোজ্যে। তে যেক্কে রাজা ওইয়্যে সেক্কে তার বয়স অলদে একচোল্লিশ বজর্‌। ইস্রায়েলর গুট্টিগুনোর্‌ বেক্‌ জাগানির্‌ ভিদিরেত্তুন্‌ যে শঅরান্‌ লগেপ্রভু নিজোর্‌ থেবারঘর্‌ ইজেবে বেই লোইয়্যে সে যিরূশালেম শঅরত্‌ রহবিয়ামে সতর বজর্‌ রাজাগিরি গোজ্যে। তা মাবোর্‌ নাঙান্‌ এলদে নয়মা; তে জাদন্দি এলদে ইক্কো অম্মোনীয়।

২ বংশধর 12:13

রাজা রহবিয়ামে যিরূশালেমত্‌ নিজোরে দরমর গুরি থিদেবর্ গুরিনে রাজাগিরি গুরিলো। তে যেক্কেনে রাজা ওইয়্যে সেক্কে তার্‌ বয়সছান্‌ এলদে একচোল্লিশ বজর্‌। ইস্রায়েল গুট্টিগুনোর পুরো জাগায়ানি ভিদিরেত্তুন্‌ যে শঅরান্‌ লগেপ্রভু নিজোর্‌ থেবার্‌ জাগা ইজেবে বেঈ নেযেয়্যে সে যিরূশালেম শঅরত্‌ রহবিয়ামে সতর বজর রাজাগিরি গোজ্যে। রহবিয়াম মাবো নাঙান্‌ এলদে নয়মা; তে অলদে অম্মোনীয়া।

ইষ্রা 6:12

কনঅ রাজা বা কনঅ জাদে যুদি এই উগুমান অমান্য গুরিনে যিরূশালেমর্ সেই উবোসনা-ঘরান ভস্ত গুরিবাত্যে যায় সালেন্ গোজেনে, যিবে সিয়েনত্ বজত্তি গরে তে যেনে তারে ভস্ত গরে। মুই দারিয়াবস এই উগুমান দুয়োঙর্। ইয়েন যেনে যত্তন্ গুরিনে পালন্ গরা অয়।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:15

মাত্তর্‌ তমার গোজেন লগেপ্রভু তমারে আশিদ্‌বাদ গুরিনে যিদুক্কুন য়েমান দিবো সিগুন্‌ যে কনঅ আদামত্‌ বা শঅরত্‌ কাবিনে তমা আওজ্ মজিম্‌ য়েরা হেই পারিবা, যেধোক্ক্যেন গুরিনে তমার্‌ সিজি-অসিজি বেক্‌ মানুচ্চুনে চঙড়া বা উরিঙ্‌ য়েরা খান।

দ্বি’লম্বর বিররণ 12:20

তমার গোজেন লগেপ্রভু তার এগেম্ মজিম তমার দেজর্‌ দুঝিগান বাড়েই দেনার পরেন্দি যেক্কে তুমি য়েরা হেবার আওজে কবা, য়েরা হেবং, সেক্কে তুমি আওজ্ মজিম্‌ য়েরা হেই পারিবা।

দ্বি’লম্বর বিররণ 12:22

কৃষ্ণসার বা উরিঙোর্‌ য়েরা ধোক্ক্যেন তুমি সিয়েনি হেবা। সিজি-অসিজি বেক্কানি তুমি হেই পারিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:6

যে জাগায়ান তে নিজোরে ফগদাং গুরিবাত্তে তার থেবার ঘর ইজেবে বেঈ নেযেব বানা সিয়োদোই সিগুন উৎসর্ব গুরিবো। যেদিন্যে তুমি মিসর দেজত্তুন্‌ নিগিলি এচ্চ্য পত্তি বজরর্‌ সেদিন্যে বেলান ডুবিবার অক্তত্‌ সাজোন্যে সলাবোত্‌ উদ্ধোর-পরবর্‌ য়েমানুন উৎসর্ব গুরিবা।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।