দ্বি’লম্বর বিররণ 12:20 - Chakma Bible

²⁰ তমার গোজেন লগেপ্রভু তার এগেম্ মজিম তমার দেজর্‌ দুঝিগান বাড়েই দেনার পরেন্দি যেক্কে তুমি য়েরা হেবার আওজে কবা, য়েরা হেবং, সেক্কে তুমি আওজ্ মজিম্‌ য়েরা হেই পারিবা।

দ্বি’লম্বর বিররণ 12:20 ပူးပေါင်းရင်းမြစ်များ

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 31:30

বেশ্‌, তঅ বাব ঘরত্‌ যেবাত্তে অয়ত তঅ পরানান্‌ কানের্‌ আর সেনত্তে তুই নিগিলি এচ্চ্যচ্‌, মাত্তর্‌ মঅ ঘোর্‌বো দেবেদামূত্তিগুন্‌ চুর্‌ গুরি আন্ন্যস্‌ কিত্তে?

২ শমূয়েল 13:39

তাইদু যেবাত্তে রাজা দায়ূদোর খুব আওজ্‌ অলঅ, কিত্যে অম্নোনর মরাণার পৌইদ্যেনে রাজার্ মনান্ বুঝ্ পেইয়্যে।

২ শমূয়েল 23:15

এন্‌ সময়োত্‌ দায়ূদোর অমকদ পানি তিরেজে পেলঅ, সেনত্তেই তে কলদে, “আহ্‌, যুনি কনজনে বৈৎলেহমর গেদো কায়-কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

গীতসংহিতা 107:9

যিগুনোর মনত্ আওজ্ আঘে তে তারার তিরেস্ মিটেই দে, আর যিগুনোর মনত্ পেট্‌পরা আঘে গম গম জিনিস্‌ছোই তে তারারে হাবেই দে।

গীতসংহিতা 119:174

ও লগেপ্রভু, তুই মরে উদ্ধোর্ গুরিবে সেনত্তে মুই আওজ্ গুরি বাজ্জেই আগং; তর্ বেক উগুমানি মর্ হুজির কধা।

গীতসংহিতা 119:20

তর্ সুদোমানি হবর্ পেবাত্তে নিত্য মঅ পরাণানর আওজ্‌ছান বেশ্।

গীতসংহিতা 119:40

তর্ সুদোমানি পৌইদ্যেনে মর্ আওজ্ আঘে; তুই গম্ বিলিনে মরে নূয়ো গুরি খেমতা দে।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যাত্রা 34:24

দেজ ভিদিরে বেক্‌ জাদ্‌তুনোরে মুই তমা মুজুঙোত্তুন্‌ ধাবেই দিম্‌ আর তমার দেজর্‌ দুযিবো বাড়েই দিম্‌। বজরে তিনবার্‌ গুরি যেক্কে তুমি তমার্‌ গোজেন লগেপ্রভুর্‌ মুজুঙোত্‌ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্‌ ন-গুরিবাক্‌।

গণাণা 11:20

পুরো একমাস সং হেবা। সেক্কে সেই য়েরাগান্‌ তমার্‌ নাগন্দি নিগিলি এবঅ আর য়েরালোই তমার্‌ ন-রুচ্যে মু-অবঅ। এদক্কানি অবঅ কারন যিবে তমা ভিদিরে আঘে সেই লগেপ্রভুরে তুমি অগ্রাজ্য গোজ্য আর তা মুজুঙোত্‌ কাঁনি কাঁনি কোইয়ো, মিসর দেজ্‌চান্‌ ফেলেই এজানা তমার্‌ উজিত্‌ ন-এলঅ।

গণাণা 11:34

সেনত্তে সেই জাগায়ানর্‌ নাঙ্‌ দিয়া অলঅ কিব্রোৎ-হত্তাবা (যিয়েনর্ ভেদ্‌তান্ “লুভী মানুচ্চুনোর্‌ ছবাশাল্‌”), কিত্যে মানুচ্চুনে সিয়েনত্‌ লুভীগুনোরে গারেয়োন।

গণাণা 11:4

ইস্রায়েলীয়গুনো লগে অন্য জাদর্‌ যে মানুচ্চুনে এলাক্‌ তারা আরেক বাবোত্যে হানার্‌ লুভে পাগল্‌ ওই উদিলাক। তারার্‌ মজুঙো-মুজুঙি ইস্রায়েলীয়গুনে আরঅ‌ কানাকুদি গুরিনে কুয়ো ধুরিলাক, “হায়, যুনি আমি য়েরা হেই পেদং!

২ করিন্হীয় 9:14

গোজেনত্তুন্ তুমি যে বোউত্ দোয়্যে পেইয়ো সিয়েনত্যে তারা পুরো মনান্দোই তমাত্যে তবনা গুরিবাক্।

দ্বি’লম্বর বিররণ 11:24

দোগিণেদি ধূল্যেচর চাগালাত্তুন্‌ লেবানন সং আর ইউফ্রেটিস গাঙত্তুন্‌ ভুমধ্য সাগর সং তুমি যিয়েনত্‌ টেং ফেলেবা সে জাগায়ান্ তমার্‌ অবঅ।

দ্বি’লম্বর বিররণ 12:15

মাত্তর্‌ তমার গোজেন লগেপ্রভু তমারে আশিদ্‌বাদ গুরিনে যিদুক্কুন য়েমান দিবো সিগুন্‌ যে কনঅ আদামত্‌ বা শঅরত্‌ কাবিনে তমা আওজ্ মজিম্‌ য়েরা হেই পারিবা, যেধোক্ক্যেন গুরিনে তমার্‌ সিজি-অসিজি বেক্‌ মানুচ্চুনে চঙড়া বা উরিঙ্‌ য়েরা খান।

দ্বি’লম্বর বিররণ 12:21

তমার গোজেন লগেপ্রভু নিজোরে ফগদাং গুরিবাত্তে যে জাগায়ান বেঈ নেযেব সিয়েন্‌ যুনি তমাত্তুন্‌ বোউত্‌ দূরোত্‌ অয়, সালে মর্‌ দিয়্যে উগুম মজিম তুমি লগেপ্রভুর দিয়্যে গোরু-ভেড়ার পালত্তুন্‌ য়েমান নেযেইনে কাবি পারিবা আর যার যার আদাম আর শঅরত্‌ আওজ্ মজিম য়েরা হেই পারিবা।

দ্বি’লম্বর বিররণ 19:8

তমার গোজেন লগেপ্রভুরে কোচ্‌পেবার আর আমিঝে তা পধেদি চলিবার এ যেদক্কানি উগুম মুই এচ্চ্যে তমারে দুয়োঙর্‌ সিয়েনি যুনি তুমি গমেডালে পালন গরঅ সালে তমার পুরোণি মানুচ্চুনো ইদু শমক্‌ খেইয়্যে এগেম্ মজিম তমার গোজেন লগেপ্রভু তমার দেজর্‌ দুঝিবো বাড়েই দিবো আর গোদা দেজ্‌ছান তমারে দিবো। সেক্কে তুমি নিজোত্যে আশ্রয়-শঅর ইজেবে আরঅ তিনেন্ শঅর যুদো গুরি রাগেবা।

ফিলিপীয় 1:8

খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।