দ্বি’লম্বর বিররণ 12:18 - Chakma Bible

¹⁸ তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:18 ပူးပေါင်းရင်းမြစ်များ

গীতসংহিতা 32:11

ও গোজেন ভক্ত মানুচ্চুন, লগেপ্রভু যেনে তমার্ ফুত্তির্ বিষয় অয়, তারে নিনেই তুমি হুজি অ; তুমি যিগুনে মনদি সোলিড্, তুমি বেক্কুনে হুজির্-গীদ্ গঅ।

গীতসংহিতা 68:3

মাত্তর্ গোজেন ভক্তগুনে হুজি ওদোক্ আর গোজেন মুজুঙোত্ ফুত্তি গোরোদোক্।

গম্ উপদেজ্ 3:17

তা পধেদি পাহ্ যায় হুজি, আর তার বেক পধেদি ভালেদি আঘে।

উপদেশক 3:12

মুই হবর্ পাং, মান্‌জ্য জিংকানিত্ হুজি আর গম কাম্ গরানা বাদে তাত্তেই আর গম্ কিচ্চু নেই।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

প্রেরিত্‌ 16:34

সে পরেদি তে পৌল আর সীলরে নিজো ঘরত্ নেযেইনে হেবাত্তে দিলো। গোজেন উগুরে বিশ্বেজ্ গুরিনে তার্ পরিবারর্ বেক্কুনে অমকদ হুজি অলাক্।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

দ্বি’লম্বর বিররণ 12:14

তমা গুট্টিগুনোরে দিয়্যে জাগাত্তুন্‌ যে জাগায়ান লগেপ্রভু বেঈ লবঅ সিয়োদোই তুমি সেই বেক্‌ পুজ্যে-উৎসর্বগুন গুরিবা আর সিয়োদোই তুমি মর্‌ উগুম্‌ গোজ্যে বেক্কানি গুরিবা।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

দ্বি’লম্বর বিররণ 15:20

তমার গোজেন লগেপ্রভুর বেঈ লোইয়্যে জাগানত্‌ পত্তি বজর তুমি তমার ঘোর্‌বোগুন নেযেইনে তা মুজুঙোত্‌ সিগুনোর য়েরানি হেবা।

১ শমূয়েল 1:4

য়েমান-উৎসর্গর্ দিন্নোত্‌ ইল্‌কানা তা মোক্কো পনিন্নারে আর তার বেক্‌ ঝি-পূঅগুনোরে তার উৎসর্গ গোজ্যে য়েরাত্তুন এক্কোত্‌ দরে ভাগ দিদো।