দ্বি’লম্বর বিররণ 12:12 - Chakma Bible

¹² সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:12 ပူးပေါင်းရင်းမြစ်များ

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

২ বংশধর 29:36

গোজেনে তা মানুচ্চুনোত্তে এ বেক্‌ কামানি খুব্‌ যাদিমাদি গোজ্যে বিলিনে হিষ্কিয় আর বেক্‌ মানুচ্চুনে রঙ্গ-ফুত্তি গুরিলাক্‌।

নহিমিয় 8:9

সে পরেন্দি শাজন্‌গুরিয়্যে নহিমিয়, ধর্মগুরু আর ধর্ম-মাস্টর্‌ ইষ্রা আর যে লেবীয়গুনে মানুচ্চুনোরে শিক্ষ্যে দেদন্‌ তারা বেক্‌ মানুচ্চুনোরে কলাক্কে, “এচ্ছ্যে এ দিন্নো তমার্‌ গোজেন্‌ লগেপ্রভুর নাঙে পবিত্র। তুমি আবিলেচ্‌ বা কানাকুদি ন-গুরিবা।” তে এ কধাগান কলঅ, কিত্যে মানুচ্চুনে বেক্কুনে রীদি-সুদোম কধানি শুনিনে কানদন্‌।

গীতসংহিতা 147:1

লগেপ্রভুরে নাঙ্ গিনো ওক্। আমা গোজেনরে নাঙ্ গিনেদে গান গানা কত্তমান গম্! সিয়েন কি দোল্! তারে বাঈনী গরানা কত্তমান গম্!

লেবীয় 23:40

পত্তম দিনোত্‌ তমার নিজোত্তে গাজর্‌ বেগত্তুন্‌ গম ফল, খাজোর গাজ পাদা, উইলো গাজ্‌ আর অন্য পাদালোই ভোজ্যে গাজর্‌ বাগল্‌ লোইনে এবা। সে পরেদি সাত দিন ধুরি তুমি তমার গোজেন লগেপ্রভুর্ মুজুঙোত্ ফুত্তি গুরিবা।

গণাণা 18:20

ইয়েনর্ পরেদি লগেপ্রভু হারোণরে কলঅ, ইস্রায়েলীয়গুনোর দেজত্‌ তুই কনঅ সোম্বোত্তির গিরোজ্ ন অবে আর ভুই-জোবিনোর্‌ কন ভাগঅ তুই ন পেবে। ইস্রায়েলীয়গুনো ভিদিরে মুয়ই তর্‌ পাওনা ভাগ, মুয়ই তর্‌ সোম্বোত্তি।

যোহন 13:8

পিতরে তারে কলঅ, “তুই কনদিন্‌অ মঅ টেঙানি ধোই ন-দিবে।” যীশু পিতররে কলঅ, “যুনি মুই তরে ধোই ন-দুয়োং সালে মঅ লগে তর্ কনঅ মিলেমিলি নেই।”

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:14

তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।

দ্বি’লম্বর বিররণ 18:6

ইস্রায়েলীয়গুনো দেজর কনঅ লেবীয় যুনি তার থেবার জাগা ছাড়িনে ঘেচ্চেকগুরি আওজে লগেপ্রভুর বেঈ লোইয়্যে জাগানত যায়,

দ্বি’লম্বর বিররণ 26:11

তমার আর তমার গিরিবোরে তমার গোজেন লগেপ্রভু যেদক্কানি গম্‌ গম্‌ জিনিস দিইনে আশিদ্‌বাদ গোজ্যে সিয়েনি লোইনে তুমি, লেবীয়গুনে আর তমা ভিদিরে বিদেশী বাসিন্দাগুনে ফুত্তি গুরিবা।

দ্বি’লম্বর বিররণ 26:12

পত্তি তিন বজরত তমার বেক্‌ ফসলানির দশ ভাগর এক ভাগ আদায় গরানা শেজ্‌ অলে সিগুন তুমি লেবীয়, বিদেশী আদাম্মেগুন, মা-বাপ নেইয়্যে আর রানি মিলেগুনোরে দিবা। সেক্কে সেই মানুচ্চুনোর তমার দেজ ভিদিরে খেই-দেই ঈল্‌ অবঅ।

দ্বি’লম্বর বিররণ 27:7

সিয়েনত তুমি উদোলোলি-উৎসর্বরঅ অনুষ্ঠান গুরিবা আর সেই উৎসর্বর জিনিস্‌ছানি খেইনে তমার গোজেন লগেপ্রভুর মুজুঙোত্‌ ফুত্তি গুরিবা।

যিহোশূয় 13:14

মাত্তর্‌ লেবি-গুট্টিবোরে মোশি কনঅ সোম্বোত্তির অধিকারী ন-গরে, কিত্যে লগেপ্রভুর শমক্‌ মজিম্ ইস্রায়েলীয়গুনোর গোজেন্‌ লগেপ্রভুর নাঙে আগুন্দোই-গোজ্যে উৎসর্বর্‌ জিনিস্‌চানি অলঅ‌ তারার্‌ সোম্বোত্তি।

যিহোশূয় 13:33

মাত্তর্‌ লেবি-গুট্টিরে তে কনঅ সোম্বোত্তি ন-দিলো; তারা ইদু লগেপ্রভু যে শমক্তান্‌ গোজ্যে সে মজিম্ ইস্রায়েলীয়গুনোর গোজেন লগেপ্রভু এলদে তারার্‌ সোম্বোত্তি।

যিহোশূয় 14:4

মনঃশি আর ইফ্রয়িম নাঙে যোষেফর দ্বিবে পূঅর্‌ মাধ্যমে দ্বিবে গুট্টির সৃট্টি ওইয়্যে। লেবীয়গুনে ভূইয়োর ভাগ ন-পেলাক্‌ ঠিগ্, মাত্তর্‌ তারা বজত্তি গুরিবার আর পযাপিরানি রাগেবাত্তে কয়েক্কান আদাম আহ্‌ শঅ‌র আর গোরু-ভেড়া ছাগল চোরেবাত্তে কায়-কুরে খলা পেলাক্‌।