দ্বি’লম্বর বিররণ 12:11 - Chakma Bible

¹¹ সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:11 ပူးပေါင်းရင်းမြစ်များ

১ রাজাবলী 12:27

মানুচ্চুনে যুনি যিরূশালেমত্‌ লগেপ্রভুর তবনা-ঘরত্‌ উৎসর্বর অনুষ্ঠানত্তে যান সালে আরঅ সিগুনে তারার্‌ গিরোজ্‌ যিহূদার রাজা রহবিয়ামর কধানি মানি নিবাক্‌। তারা মরে মারে ফেলেইনে রাজা রহবিয়ামর ইদু ফিরি যেবাক্‌।”

১ রাজাবলী 8:13

মুই ইক্কিনে তত্তে এক্কান জদবদে দোল্‌ ঘর বানেয়োং; ইয়েন অবদে তর্‌ উমরর্ থেবার্‌জাগা।”

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

২ রাজাবলী 18:22

মাত্তর্‌ তুমি যুনি মরে কঅ, তুমি তমা গোজেন লগেপ্রভু উগুরে বিশ্বেজ্ গোজ্য, সালে তে কি সে গোজেন নয় যিবে পূজো অজল্‌ জাগানি আর ডালিপূজোগুন্‌ হিষ্কিয় ভস্ত গোজ্যে আর যিহূদা আর যিরূশালেমর মানুচ্চুনোরে কোইয়্যেদে যিরূশালেমর এ পূজোবো মুজুঙোত্‌ তারাত্তুন্‌ তবনা গরা পুরিবো?

১ বংশধর 22:1

ইয়েন পরেন্দি দায়ূদে কলঅ, “গোজেন লগেপ্রভুর ঘর আর ইস্রায়েলর পূজ্যে-উৎসর্বর ডালিপূজো ঘরান্‌ ইয়োদোই অবঅ।”

২ বংশধর 6:20

যে জাগায়ান কধা তুই কোইয়োচ্‌, ইদু তর্‌ থেবার জাগায়ান্‌ অবঅ সে জাগায়ান ইন্দি, অত্তাৎ এ তবনা-ঘরান ইন্দি তঅ চোগকুন্‌ দিনে-রেদে খুলো থোক্‌। এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

২ বংশধর 7:12

পরেন্দি এক্‌ রেদোত্‌ লগেপ্রভু শলোমনরে দেগা দিইনে কলঅ, মুই তর্‌ তবনাগান শুন্যং আর উৎসর্বর অনুষ্ঠানান্‌ গুরিবাত্তে ঘর ইজেবে মত্তে মুই এ জাগায়ান বেঈ লোইয়োং।

ইষ্রা 6:12

কনঅ রাজা বা কনঅ জাদে যুদি এই উগুমান অমান্য গুরিনে যিরূশালেমর্ সেই উবোসনা-ঘরান ভস্ত গুরিবাত্যে যায় সালেন্ গোজেনে, যিবে সিয়েনত্ বজত্তি গরে তে যেনে তারে ভস্ত গরে। মুই দারিয়াবস এই উগুমান দুয়োঙর্। ইয়েন যেনে যত্তন্ গুরিনে পালন্ গরা অয়।

গীতসংহিতা 100:2

হুজি মনে লগেপ্রভুর সেবা গরঅ; হুজির গান গাদে গাদে তাইদু আজিল্ অ।

গীতসংহিতা 116:17

মুই তর্ নাঙে ভালেদি জানেবার-উৎসর্গর্ অনুষ্ঠান গুরিম আর তর্ বাঈনী গরানা ফগদাং গুরিম।

গীতসংহিতা 66:13

মুই তঅ ঘরত্ পুজ্যে-উৎসর্ব আনিম আর তইদু মর্ বেক মান্যেগানি ছিড়েম্।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যিরমিয় 7:12

“ইক্কিনে তুমি শীলোত্ যিয়েনত্ মুই পৌইল্যা মর্ থেবার জাগা বানেয়োং সিয়েনত্ যঅ আর মর্ মানুচ্ ইস্রায়েলীয়গুনোর পাজিগানিত্তে মুই সিয়েনর অবস্থা কি গোজ্যং সিয়েন চঅ।

দ্বি’লম্বর বিররণ 12:13

চঅ, যেন তমার আওজ্ মজিম যে কনঅ জাগাত্‌ তুমি পুজ্যে-উৎসর্বর অনুষ্ঠান ন-গরঅ।

দ্বি’লম্বর বিররণ 12:14

তমা গুট্টিগুনোরে দিয়্যে জাগাত্তুন্‌ যে জাগায়ান লগেপ্রভু বেঈ লবঅ সিয়োদোই তুমি সেই বেক্‌ পুজ্যে-উৎসর্বগুন গুরিবা আর সিয়োদোই তুমি মর্‌ উগুম্‌ গোজ্যে বেক্কানি গুরিবা।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:21

তমার গোজেন লগেপ্রভু নিজোরে ফগদাং গুরিবাত্তে যে জাগায়ান বেঈ নেযেব সিয়েন্‌ যুনি তমাত্তুন্‌ বোউত্‌ দূরোত্‌ অয়, সালে মর্‌ দিয়্যে উগুম মজিম তুমি লগেপ্রভুর দিয়্যে গোরু-ভেড়ার পালত্তুন্‌ য়েমান নেযেইনে কাবি পারিবা আর যার যার আদাম আর শঅরত্‌ আওজ্ মজিম য়েরা হেই পারিবা।

দ্বি’লম্বর বিররণ 12:26

লগেপ্রভুর বেঈ নেযেয়্যে জাগানত্‌ তমার সুদ্ধো-সাংগ জিনিস্‌ছানি আর মান্যা জিনিস্‌ছানি নেযা পুরিবো।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

দ্বি’লম্বর বিররণ 15:19

তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।

দ্বি’লম্বর বিররণ 15:20

তমার গোজেন লগেপ্রভুর বেঈ লোইয়্যে জাগানত্‌ পত্তি বজর তুমি তমার ঘোর্‌বোগুন নেযেইনে তা মুজুঙোত্‌ সিগুনোর য়েরানি হেবা।

দ্বি’লম্বর বিররণ 17:8

যুনি এধোক্ক্যেন বেক্‌ মগদ্দমাগানি তমার আদালদত্‌ এজে যিগুনোর বিচের গরানা তমার পক্ষে আগাত্যে ওই উদে-সিয়েন লো ঝোরেবাত্তে ওক্‌ বা কোল্‌-কোজ্জ্যে বাজেবাত্যেই ওক্‌ বা আঘাত গুরিবাত্তে ওক্‌-তো সে মগদ্দমাগানি লগেপ্রভুর বেঈ লোইয়্যে জাগানত তমাত্তুন যাহ্ পুরিবো।

দ্বি’লম্বর বিররণ 18:6

ইস্রায়েলীয়গুনো দেজর কনঅ লেবীয় যুনি তার থেবার জাগা ছাড়িনে ঘেচ্চেকগুরি আওজে লগেপ্রভুর বেঈ লোইয়্যে জাগানত যায়,

দ্বি’লম্বর বিররণ 23:16

সে চাগর্‌বো তমা ভিদিরে যিয়েনত্‌ বজত্তি গুরিবাত্তে চায়্‌ তারে সিয়োদোই বজত্তি গুরিবাত্তে দুয়ো; তারে দুখ্‌ ন-দুয়ো।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 22:11

বাদবাগী ইস্রায়েলীয়গুনে যেক্কে শুনিলাক্‌, তারার্‌ জাগানিত্‌ কনান দেজর্‌ দুযিত্‌ যর্দন চাগালার্‌ গাঙানর্‌ কায়কুরে তারা এক্কো পূজো যুক্কোল্‌ গোজ্যন,

যিহোশূয় 22:16

“লগেপ্রভুর্‌ সমাজর্‌ বেক্কুনেই কদন্‌, ‘তুমি কেধোক্ক্যেন্‌ গুরিনে এবাবোত্যেগুরি ইস্রায়েলীয়গুনোর গোজেনর্‌ লগে বেঈমানী গুরিলে? কেধোক্ক্যেন্‌ গুরি তুমি এচ্চ্যে লগেপ্রভুর পথ্‌তানত্তুন্‌ সুরিনে গেলা আর তা বিরুদ্ধে উল্লোমি গুরিনে নিজোত্তে এ পূজোবো যুক্কোল্‌ গুরিলা?

যিহোশূয় 22:23

যুনি আমি লগেপ্রভুর পথ্‌তানত্তুন্‌ সুরি যেবাত্তে আর পুজ্যে-উৎসর্ব, শোজ্য-উৎসর্ব বা উদোলোলি-উৎসর্বর মেইত্‌বান্‌ গুরিবার আজায় নিজোত্তে এ পূজোবো বানেই থেই সালে লগেপ্রভু নিজে আমারে সাজা দোক্‌।

যিহোশূয় 22:27

ইবে তমার আর আমা ভিদিরে আর আমার বংশধরুনো ভিদিরে এ সাক্ষিগান দিবো, আমি লগেপ্রভুর মুজুঙোত্‌ আমার পুজ্যে-উৎসর্ব আর অন্য এ্যমান-উৎসর্ব আর উদোলোলি-উৎসর্বর অনুষ্ঠান গুরিনে তার তবনা গুরিবোং। সালে আগামিদি তমার বংশধরুনে আমার বংশধরুনোরে এ কধাগান কোই ন-পারিবাক্‌, লগেপ্রভু উগুরে তমার কনঅ‌ দাবি নেই।

যিহোশূয় 22:29

“আমার্‌ গোজেন লগেপ্রভুর থেবার-তাম্বুলোর্‌ মুজুঙোত্‌ যে পূজোবো আঘে সিবে বাদে পুজ্যে-উৎসর্ব, শস্য-উৎসর্ব আর অন্য এ্যমান-উৎসর্ব গুরিবাত্তে অন্য কনঅ পূজো বানেইনে আমি যে লগেপ্রভুর বিরুদ্ধে উল্লোমি ওইনে তার্‌ পথ্‌তানত্তুন্‌ এচ্চ্যে সুরি যেবং সিয়েন আমার কায়-কুরেত্তুন দূরোত্‌ থোক্‌।”

যিহোশূয় 9:27

যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।

১ শমূয়েল 1:21

পরেন্দি ইল্‌কানা পত্তি বজর ধোক্ক্যেন তা গিরির্ বেক্কুনোরে নেযেইনে লগেপ্রভুর নাঙে য়েমান-উৎসর্ব আর মান্যা ছিড়েবাত্তে গেলঅ।