দ্বি’লম্বর বিররণ 12:1 - Chakma Bible

¹ তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 12:1 ပူးပေါင်းရင်းမြစ်များ

১ রাজাবলী 8:40

তুই সিয়েনি গুরিচ্‌ যেনে আমা পুরোণিমানুচ্চুনোরে তুই যে দেজ্‌ছান দুয়োচ্‌ সিয়েনত্‌ সারা জিংকানিবর্‌ তঅ মানুচ্চুনে তরে ভোক্তিবলা দোরেইনে চলন্‌।

ইয়োব 7:1

এ পিত্‌থিমীত মানজ্যত্তুন্‌ দরমর কাম্‌ গরা পরে, তে মজুরো ধোক্ক্যেন্‌ দিন কাদায়।

গীতসংহিতা 104:33

মর্ গোদা জিংকানিগান্ ধুরি মুই লগেপ্রভুর নাঙে গীদ্ গেম্; মুই যেদকদিন্ বাঁজি থেম সেদকদিন্ মঅ গোজেনর নাঙে নাঙ্ গিনেদে গীদ্ গেম্।

গীতসংহিতা 119:5

আহ্! তঅ সুদোম্ মজিম চলিবাত্তে যেন মঅ মনান্ থির্ থায়।

গীতসংহিতা 146:2

মুই জিংকানিরব্ লগেপ্রভুরে বাঈনী গুরিম; যেদকদিন্ মুই বাঁজি থেম্ সেদকদিন্ মঅ গোজেনরে নাঙ্ গিনি গিনি গান গেম্।

যিহিষ্কেল 20:19

মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।