দ্বি’লম্বর বিররণ 11:8 - Chakma Bible

^8-9 সেনত্যে যে দেজ্‌ছান গজক্ গুরিবাত্তে যর্দন গাঙান্‌ পার ওইনে যর্‌ সিদু যেইনে যেন সিয়েন গজক্ গুরিবার্‌ বলান পঅ আর লগেপ্রভু তমার পুরোণি মানুচ্‌ আর তারার্‌ বংশধরুনো ইদু দুধ আর মধুলোই ভোজ্যে যে দেজ্‌ছান দিবাত্তে এগেম্ গোজ্যে সিয়েনত্‌ ভালোক্ দিন বাঁজি থেই পার সেনত্যে এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনি পালন গুরিবা।

দ্বি’লম্বর বিররণ 11:8 ပူးပေါင်းရင်းမြစ်များ

গীতসংহিতা 138:3

মুই যেক্কেনে তরে ডাগিলুং তুই মরে জোব্ দিলে; মঅ মনত্ খেমতা দিইনে তুই মরে সাহসী বানেয়োচ্।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

দ্বি’লম্বর বিররণ 11:7

মাত্তর্‌ লগেপ্রভুর এ বেক্‌ দাঙর্‌ দাঙর্‌ কামানি তুমিই নিজের্‌ চোগেদি দেক্কো।

দ্বি’লম্বর বিররণ 28:47

সুদিনোত্‌ খুজি মনে আর খুজি সমারে তমার গোজেন লগেপ্রভুরে সেবা ন-গরানার কারনে হানা-উরোনার অভাব, পানি খাস্‌ আর অমকদ অভাব ভিদিরে তুমি সে বেক্‌ শত্রুগুনোরে সেবা গুরিবা যিগুনোরে লগেপ্রভু তমার বিরুদ্ধে পাধেই দিবো। তে তমার গত্তনাত্‌ লুয়োর জুঙোল্‌ চাপি রাগেব যেদক্কন সং তুমি শেজ্‌ ওই ন-যঅ।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,