দ্বি’লম্বর বিররণ 11:30 - Chakma Bible

³⁰ তুমি দঅ হবর্ পঅ, যর্দন গাঙর্‌ পোজিমেন্দি পথ্‌তানর্‌ পোজিমে গিল্‌গলর কায়-কুরে অরাবার আদাম্মে কনানীয়গুনোর দেজর্‌ ভিদিরেন্দি মোরির এলোন গাচ্ছুনোর্‌ ইদু সে মুড়ো দ্বিবে আগন্‌।

দ্বি’লম্বর বিররণ 11:30 ပူးပေါင်းရင်းမြစ်များ

পত্থম 12:6

কনান দেজ ভিদিরেদি যাদে যাদে অব্রামে শিখিম শঅর ইধু মোরির পবিত্র গাজ্‌সো সং গেলঅ। সেক্কেয়ো কনানীয়গুনে সে দেজত্‌ বজত্তি গুরিদাক্।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,

যিহোশূয় 5:9

ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

বিচের গুরিয়্যেগুন 7:1

যিরুব্বাল, অত্তাৎ গিদিয়োন আর তার্‌ বেক মানুচ্চুনে বেন্যেপোত্যে উদিনে হারোদ চাগালার পয়নালার্‌ ইদু তাম্বুলান্‌ ফেলেলাক্‌। তারার্‌ উত্তোরেন্দি মোরি মুড়োবোর ইদু কিঝিঙো ভিদিরে মিদিয়নীয়গুনোর তাম্বুলান্‌ এলঅ।

বিচের গুরিয়্যেগুন 9:7

যোথমরে এ কধাগান কুয়ো অলঅ। তে সেক্কে গরিষীম মুড়োবোর মাদাথ্‌ উদিনে রঅ ছারিনেই মানুচ্চুনোরে কলঅ, শিখিমোর মানুচ্চুন, মঅ কধাগান্‌ শুনো, সেক্কে গোজেনেয়ো তমা কধানি শুনিবো।