দ্বি’লম্বর বিররণ 11:3 - Chakma Bible

³ মিসর দেজ ভিদিরে মিসরর রাজাবো ফরৌণ আর তার বেক্‌ দেজছান উগুরে তে যেদক্কানি চিহ্নো আর অন্য কামানি গোজ্যে সিয়েনিয়ো তারা ন-দেগন্‌।

দ্বি’লম্বর বিররণ 11:3 ပူးပေါင်းရင်းမြစ်များ

গীতসংহিতা 135:9

ও মিসর, তে বুগোত্ ফরৌণ আর তার বেক কামগুরিয়্যেগুনোর বিরুদ্ধে তার চিহ্নো আর আমক্ অবার কামানি গোজ্যে।

যাত্রা 7:8

লগেপ্রভু মোশি আর হারোণরে আরঅ কলঅ,

দ্বি’লম্বর বিররণ 1:30

তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

দ্বি’লম্বর বিররণ 11:4

মিসরীয় সৈন্যদলুন, তারার্‌ ঘোড়া আর রথ্‌তুনো উগুরে তে যিয়েনি গোজ্যে আর তারা যেক্কে তমা পিজেন্দি লোড়েইনে এত্তন্‌ সেক্কে কেধোক্ক্যেনগুরি তে লোহিত সাগরর্‌ পানিগানত্‌ তারারে ডুবেই দিয়্যে আর কেধোক্ক্যেনগুরি তারারে বেক্কুনোরে ভস্ত গুরি দিয়্যে সিয়েনিয়ো তারা ন-দেগন্‌।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 7:19

তমা গোজেন লগেপ্রভু যেদক্কানি জদবদে পোরোক্ষেলোই, আমক্‌ অবার্‌ কাম্‌ আর চিহ্নোলোই আর তার্‌ দরমর আর খেমতাবলা আঢ্‌তোই তমারে নিগিলেই আন্যে সিয়েন্‌ দঅ তুমি নিজোর্‌ চোগেদি দেক্কো। তুমি ইক্কিনে যিদুক্কুন্‌ জাদরে দেগিনে দরর্‌ তারা উগুরেয়ো তে সেধোক্কেন্‌ গুরিবো।