দ্বি’লম্বর বিররণ 11:25 - Chakma Bible

²⁵ কনঅ মান্‌জ্যে তমা মুজুঙোত্‌ থিয়্যেই ন-পারিবাক্। তুমি সে দেজর্‌ যিয়েনত্ যেবা তমা গোজেন লগেপ্রভু তার্‌ এগেম্ মজিম সে জাগানর্ মানুচ্চুনোর মনত্‌ তমা পৌইদ্যেনে এক্কান দর্‌ গরেদে মনভাব আর গির্‌গিরেনি ধোরেই দিবো।

দ্বি’লম্বর বিররণ 11:25 ပူးပေါင်းရင်းမြစ်များ

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

যাত্রা 23:27

তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

দ্বি’লম্বর বিররণ 2:25

এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।