দ্বি’লম্বর বিররণ 11:22 - Chakma Bible

²² তমার গোজেন লগেপ্রভুরে কোচ্‌পেবার, তার্‌ পদেন্দি চলিবার আর তারে আজাবোদে ধুরি রাগেবার্‌ যেদক্কানি উগুম্‌ মুই তমারে দিলুং সিয়েনি তুমি গমেডালে পালেবা।

দ্বি’লম্বর বিররণ 11:22 ပူးပေါင်းရင်းမြစ်များ

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

গীতসংহিতা 119:31

ও লগেপ্রভু, মুই তঅ কধাগান মনত্ রাগেয়োং; তুই মরে লাজ্ ন-দিচ্।

মথি লেখ্যে গম্ হবর্ 22:37

যীশু তারে কলঅ, “বেগত্তুন্ দাঙর্ আর বেগত্তুন্ দরকারী উগুম অলঅ, ‘তুমি পত্তিজনে তমার্ রিবেঙান্, পরাণান্ আর বেক্ মনান্দোই তমা প্রভু গোজেনরে কোচ্‌পেবা।’

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 6:17

তমা গোজেন লগেপ্রভু যেদক্কানি উগুম্‌, উজিয়ারর্‌ কধা আর সুদোমানি দিয়্যে সিয়েনি হামাক্কায় তমাত্তুন্‌ পালন গরা পুরিবো।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।