দ্বি’লম্বর বিররণ 11:21 - Chakma Bible

²¹ যুনি তুমি ইয়েনি গরঅ সালে যে দেজ্‌ছান দিবাত্তে লগেপ্রভু তমার পুরোণি মানুচ্চুনো ইদু শমক্ গোজ্যে সে দেজত্‌ তুমি আর তমার ঝি-পূঅগুনে যেদকদিন বাঁজি থেবাক্‌ সেদকদিন এ পিত্‌থিমীগান উগুরে দাঙর্‌ আগাজ্‌ছান থেবঅ।

দ্বি’লম্বর বিররণ 11:21 ပူးပေါင်းရင်းမြစ်များ

গীতসংহিতা 72:5

যেদকদিন চান্নো-বেলান্ থেবঅ সেদকদিন বংশর পর বংশ ধুরি মানুচ্চুনে তারে ভোক্তি গুরিনে দরাদোক্।

গীতসংহিতা 89:30

তা পুয়োগুনে যুনি মঅ উগুমোত্তুন্ দূরোত্ সুরি যান আর মর্ সুদোমানি ন-মানন্,

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গম্ উপদেজ্ 3:2

কিত্তে সেক্কে তুই বোউত্ আয়ু পেবে আর তর্ বোউত্ ভালেদি অবঅ।

গম্ উপদেজ্ 4:10

মঅ পুয়োবো, শুনিচ্, মঅ কধানি তুই মনত্ রাগেচ্, সেক্কে তুই ভালোক্ বজর বাঁজি থেবে।

গম্ উপদেজ্ 9:11

গম্ বুদ্ধিগানে কয়, “মঅ মাধ্যমে তুই ভালোক্ দিন বাঁজি থেবে, তঅ আয়ুগান আরঅ ভালোক্ বজর বাড়িবো।

যিশাইয় 65:20

সিদু কনঅ চিগোন্ গুরো মুরি ন-যেবাক্, বা কনঅ বুড়ো মানুচ্ আয়ু থুম্ ন-অলে ন-মুরিবাক্। কনজনে একশঅ বজর্ বয়জত্ মুরি গেলেয়ো তারে গাবুজ্যে কুয়ো অবঅ; যে একশঅ বজর্ ন-বাঁজিবো তারে অভিশাব্ পেইয়্যে কুয়ো অবঅ।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।