দ্বি’লম্বর বিররণ 11:19 - Chakma Bible

¹⁹ তমা ঝি-পূঅগুনোরে সিয়েনি শিগেবা। ঘরত্‌ বোই থেবার অক্তত্‌, পদেন্দি আদিবার্‌ অক্তত্‌, ঘুম্‌ যেবার অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি ইয়ানি পৌইদ্যেনে কধাবাত্তা কবা।

দ্বি’লম্বর বিররণ 11:19 ပူးပေါင်းရင်းမြစ်များ

ইয়োব 8:10

তারাত্তুন্‌ তুই শিক্ষ্যে আর সল্লা পেবে; তারা যিয়েন্‌ হবর্‌ পান্‌ সিয়েন্‌ তরে কবাক্‌।

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

গীতসংহিতা 78:4

তারার বংশগুনোর ইদু আমি সিয়েনি লুগেই ন-রাগেবং; আমি মুজুঙো বংশধরুনোর ইদু লগেপ্রভুর বাঈনীবলা কামর কধা কবং; তার খেমতার কধা আর তে যেদক্কানি আমক্ অবার কাম গোজ্যে সেই কধানি কোম।

গম্ উপদেজ্ 2:1

মঅ পুয়োবো, তুই যুনি মঅ কধাগান শুনোচ্ আর তঅ মনান ভিদিরে মর্ বেক উগুমানি থুবেই রাগাচ্,

গম্ উপদেজ্ 22:6

ঝি-পুয়োগুনোর দরকার মজিম্ তারারে শিক্ষ্যে দুয়ো, তে বুড়ো ওই গেলেয়ো সিয়েনত্তুন্ সুরি ন-যেবঅ।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।