দ্বি’লম্বর বিররণ 11:18 - Chakma Bible

¹⁸ তমার রিবেঙত্ আর মনত্‌ মর্‌ এ কধানি গাদেই রাগেবা, সিয়েনি মনত্‌ রাগেবার্‌ চিহ্নো ইজেবে আদত্‌ বানি রাগেবা আর কবালত্‌ লিবি রাগেবা।

দ্বি’লম্বর বিররণ 11:18 ပူးပေါင်းရင်းမြစ်များ

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

যাত্রা 13:16

ইয়েন এমন্‌ এক্কান্‌ চিহ্নো অবঅ যিয়েন্‌ আত্‌ আর কবালর্‌ ইদোত্ থাইদ্যে-চিহ্নো ধোক্ক্যেন তরে মনত্‌ গুরি দিবো, লগেপ্রভু তাঁর্‌ খেমতাগান দেগেইনে মিসর দেজত্তুন্‌ আমারে নিগিলেই আন্যে।’”

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

গম্ উপদেজ্ 3:3

বিশ্বেজ্‌চান আর গম কামানিয়ে যেন কনদিন্অ তরে ছাড়িনে ন-যায়; তঅ গত্তনাত্ সিয়েনি বানি রাগা, তঅ মন খাতাদ্ সিয়েনি লিগি রাগা।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ইব্রীয় 2:1

ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।