দ্বি’লম্বর বিররণ 11:11 - Chakma Bible

¹¹ মাত্তর্‌ যর্দন গাঙান পার ওইনে যে দেজ্‌ছান তুমি গজক্ গুরিবাত্তে যর্‌ সিয়েন্‌ মুড়ো-মুড়ি আর কিঝিঙোই ভোজ্যে; সে দেজ্‌ছানে পানি পাইদ্যে আগাজত্তুন্।

দ্বি’লম্বর বিররণ 11:11 ပူးပေါင်းရင်းမြစ်များ

পত্থম 27:28

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে।

গীতসংহিতা 68:9

ও গোজেন, তুই বোস্তোমান ঝড় দুয়োচ্; শুগেই উঠ্যে তর্ দেজ্‌ছানরে তুই দরমর গুরি তুল্যচ্।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

দ্বি’লম্বর বিররণ 11:10

তুমি যে দেজ্‌ছান গজক্ গুরিবাত্তে যর্‌ সিয়েন্‌ মিসর দেজঅ ধোক্ক্যেন নয় যিয়েনত্তুন তুমি এচ্ছো। তুমি সিদু বীজ ফেলেদা, আর শাক্‌ পাদঅ ক্ষেদত্‌ যেধোক্ক্যেন গরা অয় সেধোক্ক্যেন গুরি সিয়েনত্‌ টেংগোই পানি নেযেবার কাম্‌ গুরিদা।

ইব্রীয় 6:7

যে মাদিগানে বার্ বার্ ঝরর্ পানি চুজি লোইনে আল্ল্যাগুনোর দরকারী শাক্-পাদ্‌তানি জর্মায় সেই মাদিগান গোজেনত্তুন্ বর্ পায়।