দ্বি’লম্বর বিররণ 10:9 - Chakma Bible

⁹ সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 10:9 ပူးပေါင်းရင်းမြစ်များ

যিহিষ্কেল 44:28

ধর্মগুরুগুনোর সোম্বোত্তি কদে বানা মুয়ই থেইম্। তুমি ইস্রায়েলীয়গুন তমা দেজত্ তারারে কনঅ সোম্বোত্তি ন-দিবা; মুয়ই ওম্ তারার সোম্বোত্তি।

গণাণা 26:62

এক মাস বা তাত্তুন্‌ বেশ্‌ বয়জর্‌ লেবীয় মরত্তুনোর্‌ সোংখ্যে এলাক্‌ তেইশ আজার্। ইস্রায়েলীয়গুনো ভিদিরে ইগুনোরে কনঅ জাগাত্‌ অধিকার্‌ দিয়্যে ন-অয় বিলি অন্য ইস্রায়েলীয়গুনো সমারে ইগুনোরে গোণা ন-অয়।

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 14:27

যে লেবীয়গুনে তমার আদাম বা শঅরত্‌ বজত্তি গত্তন্‌ তারার কধানি তুমি ভুলি ন যেয়ো, কিত্যে নিজোর বিলিনে তারার কনঅ জাগা-জোবিন্ বা সোম্বোত্তি নেই।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

যিহোশূয় 14:3

মোশি আড়াই গুট্টির্ সোম্বোত্তিগানি যর্দনর পূগেন্দি আগে দি যেইয়্যে, মাত্তর্‌ তে লেবি-গুট্টিরে ইস্রায়েলীয়গুনো ভিদিরে কনঅ সোম্বোত্তি ন-দে।