দ্বি’লম্বর বিররণ 10:5 - Chakma Bible

⁵ সে পরেন্দি লগেপ্রভুর উগুম মজিম্‌ মুই মুড়োবোত্তুন্‌ তলেন্দি লামি এইনে মর্‌ বানেয়্যে সে সুন্দুক্কো ভিদিরে আরুগ্ দ্বিবে রাগেলুুং। সিগুন্‌ এজঅ সিয়েনত্‌ আগন্‌।”

দ্বি’লম্বর বিররণ 10:5 ပူးပေါင်းရင်းမြစ်များ

যাত্রা 25:16

যে সাক্ষ্য-ফলক্কো মুই তরে দিম্‌ সিবে তুই এই সুন্দুগো ভিদিরে রাগেবে।

যাত্রা 25:21

এই ঢাগনিগান্‌ সুন্দুগো উগুরে রাগা পড়িবো আর যে সাক্ষ্য-ফলক্কো মুই তরে দিম্‌ সিবে তুই সেই সুন্দুক্কো ভিদিরে রাগেবে।

যাত্রা 32:15

ইয়েন পরেদি মোশি সাক্ষ্য-আরুগ্ দ্বিবে আঢত্‌ গুরিনে মুড়োবোত্তুন্‌ তলেন্দি লামিলো। ফলক্ দ্বিবে মুজুঙেন্দি আর পিজেন্দি দ্বিকিত্তেদি লেগা এলঅ‌।

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

যাত্রা 34:29

মোশি যেক্কে সাক্ষ্য-আরুগ্ দ্বিবে আঢত্‌ লোইনে সিনাই মুড়োবোত্তুন্‌ লামি এলঅ‌ সেক্কে তে টার্ ন-পায়দ্যে যে, লগেপ্রভুর্‌ লগে কধা কনার্‌ কারনে তার্‌ মুয়োন্‌ জোল্‌জোল্যে পহর্‌ ওই উঠ্যে।

যাত্রা 40:20

সে পরেদি মোশি সাক্ষ্য-আরুগ্ দ্বিবে নেযেইনে সুন্দুগো ভিদিরে রাগেল আর সুন্দুক্কোত্‌ দিয়্যে লুদিক্কুন্ লাগেল আর সিবে উগুরে রাগেল তার্‌ ঢাগনিগান।

দ্বি’লম্বর বিররণ 10:2

আগর্‌ যে আরুগ্ দ্বিবে তুই ভাঙি ফেলেয়োচ্‌ সিবে উগুরে যে কধানি লেগা এলঅ মুই সিয়েনি এ আরুগ্ দ্বিবে উগুরে লিগি দিম্‌। সে পরেন্দি তুই সে দ্বিবে লোইনে সুন্দুক্কো ভিদিরে রাগেবে।

দ্বি’লম্বর বিররণ 9:15

ইয়েনর্ পরেন্দি মুই মুড়োবোত্তুন্‌ লামি এলুং; সেক্কেয়ো মুড়োবোত্‌ আগুন্‌ জ্বলের, আর মর্‌ আদত্‌ এলদে বেবস্থা লেখ্যে সেই দ্বিবে আরুগ।

যিহোশূয় 4:9

যর্দন গাঙর্‌ যে জাগানত্‌ সাক্ষ্য-সুন্দুক্কো বুয়োই নেযেয়্যে ধর্মগুরুগুনে থিয়্যেই এলাক্‌ যিহোশূয় সিয়েনত্‌ আরঅ‌ বারবো পাত্তর্‌ রাগেল। পাত্তরুন ইয়ো সং সিয়েনত্‌ আগন্‌।