দ্বি’লম্বর বিররণ 10:17 - Chakma Bible

¹⁷ তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

দ্বি’লম্বর বিররণ 10:17 ပူးပေါင်းရင်းမြစ်များ

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

যাত্রা 23:8

ঘুষ ন-হেবা, কিত্তে যার্‌ চোগ আঘে তারেয়ো ঘুষে চোগ্‌ কান গুরিদে। ঘুষ গম্‌ মান্‌জ্যর্‌ কধাত্‌‌অ‌ প্যাজাল্‌ লাগেই দে।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

মার্ক 12:14

তারা যীশু ইধু এইনে কলাক্, “গুরু, আমি হবর্ পেই তুই এক্কো গম্ মানুচ্। মান্‌‌জ্যে কি মনে গুরিবাক্ ন-গুরিবাক্, সিয়েনিলোই তর্ কি অয়, কিয়া তুই কারঅ মুয়োন্ চেইনে কিচ্চু ন-গরচ্। তুই সত্যগুরিনে গোজেনর পথ্‌তান পৌইদ্যেনে শিক্ষ্যে দি থাচ্। ইক্কিনে তুই কঅ, মোশির সুদোম মজিম্ রোম-সম্রাটরে কি খাজানা দেনা উচিত?

প্রেরিত্‌ 10:34

সেক্কে পিতরে কধে আরাম্ভ গুরিলো, ইক্কিনে মুই ঘেচ্চ্যেক্‌গুরি বুঝিলুং গোজেন চোগোত্ বেক্কুনে সং।

রোমীয় 2:11

ইয়েনত্ দেগা যায়, গোজেনর্ চোগেদি বেক্কুনে সং সং।

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

দ্বি’লম্বর বিররণ 27:25

সে মানুচ্চো অভিশাব খেইয়্যে, যে নিদ্দুজি মান্‌জ্যরে খুন গুরিবাত্তে ঘুষ নেযায়। সেক্কে বেক্কুনে কবাক, আমেন।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

কলসীয় 3:25

যে অন্যেয় গরে তে তার্ ফল পেবঅ। প্রভুর্ চোগেদি বেক্কুনে সং সং।

১ তীমথিয় 6:15

সেই ‌‌ভালেদির্ গোজেন, যিবে বানা এক্কো শাসনগুরিয়্যে, যিবে রাজাগুনোর রাজা আর প্রভুগুনোর প্রভু, তেয়ই তার্ যগাজ্জ্যে সময়োত্ খ্রীষ্টরে ফগদাং গুরিবো।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”