দ্বি’লম্বর বিররণ 10:14 - Chakma Bible

¹⁴ আগাজ্‌ছান আর তা উগুরে বেক্কানি আর পিত্‌থিমীগান আহ্‌ তার্‌ ভিদিরে বেক্কানিই তমার গোজেন লগেপ্রভুর।

দ্বি’লম্বর বিররণ 10:14 ပူးပေါင်းရင်းမြစ်များ

পত্থম 14:19

তে অব্রামরে বর্ দিইনে কলঅ, “যে দাঙর্‌ আগাজ্‌ছান্‌ আর পিত্‌থিমীগান বানেইয়্যে সে দাঙর্‌ গোজেনে অব্রামরে বর্ দুয়োক্‌।

পত্থম 14:22

জোবত্‌ অব্রামে সদোম রাজাবোরে কলঅ, “যে দাঙর আগাজ্‌চান আর পিত্‌থিমীগান বানেয়্যে সে দাঙর্‌ গোজেন লগেপ্রভুর নাঙে আত্‌ তুলিনে মুই শমত্ খেইনে কঙর্‌,

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ বংশধর 6:18

মাত্তর্‌ ঘেচ্চেকগুরি কি গোজেনে পিত্‌থিমীত্‌ মানুচ্চুনো লগে বজত্তি গুরিবো? দাঙর্‌ আগাজ্‌, এন্‌ কি, দাঙর্‌ আগাজর্‌ বেক্‌ জাগানি জুড়িনেয়ো যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরানত্‌ কি তর জাগা অবঅ?

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

ইয়োব 41:11

মঅ বিরুদ্ধে কার্ দাবি আঘে, তা দাবিগান মত্তুন্ মানা পুরিবো? আগাজর্ তলেন্দি যিয়েনি আঘে বেক্কানি দঅ মর্।

গীতসংহিতা 115:16

স্বর্গগান অলঅ লগেপ্রভুর স্বর্গ, মাত্তর্ পিত্‌থিমীগান তে মান্‌জ্যরে দিয়্যে।

গীতসংহিতা 148:4

ও স্বর্গগান্, তারে নাঙ্ গিন্; ও আগাজ উগুরে পানিগান, তারে নাঙ্ গিন্।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

গীতসংহিতা 50:12

মর্ পেত্ পুরিলেয়ো মুই তরে ন-কদুং, কিত্যে পিত্‌থিমীগান মর্ আর পিত্‌থিমীগান ভিদিরে যিয়েনি আঘে বেক্কানি মর্।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 9:29

মোশি তারে কলঅ, “শঅরত্তুন্‌ নিগিলি যেইনে মুই লগেপ্রভু ইধু আত্তানি মিলিনে তবনা গুরিম। সেক্কে আগাজ বাজঅ থামেব, শিল আর্‌ ন-পড়িবাক্। ইয়েন্দোই তুই বুঝি পারিবেদে, পিত্‌থিমীগান্‌ লগেপ্রভুর।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

১ করিন্হীয় 10:26

কিয়া পবিত্র বোইবোর্ কধা মজিম, “পিত্‌থিমী আর তা ভিদিরে বেক্কানি প্রভুর।”

১ করিন্হীয় 10:28

মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

দ্বি’লম্বর বিররণ 33:26

তে কোইয়্যেদে, “যিশুরূণর গোজেন ধোক্ক্যেন আর কনজন নেই। তর্‌ সাহায্যকারী অবাত্তে মেঘঅ উগুরে চড়িনে নিজোর মহিমায় তে আগাজ-পদেন্দি যায়।