দ্বি’লম্বর বিররণ 1:7 - Chakma Bible

⁷ ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 1:7 ပူးပေါင်းရင်းမြစ်များ

পত্থম 12:9

পরেদি তে সিয়েনত্তুন্‌ যাদে যাদে নেগেভ নাঙে দোগিণেদি ধূল্যেচর-চাগালাত্ গেলঅ।

২ শমূয়েল 8:3

পরেন্দি সোবার রাজা রহোবর পূঅ হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতা থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিলো।

১ বংশধর 18:3

পরেন্দি সোবার রাজা হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতাগান থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিবাত্তে হমাৎ সং গেলঅ।

১ বংশধর 27:29

শারোণত্‌ যিদুক্কুন্‌ গোরু পাল্‌ চড়িদাক্ তারার্‌ ভারান্‌ এলদে শারোণীয় সিট্রয় উগুরে। কলগ গোরু পালুনো ভারান্‌ এলদে অদ্‌লয় পুয়ো শাফট উগুরে।

১ বংশধর 5:9

গিলিয়দদ্‌ তারার্‌ য়েমান পালুন্‌ বেশ্ ওইয়োন্‌ বিলিনে পূগেন্দি ধূল্যেচর- চাগালাগান্‌ যিয়োত্তুন্‌ আরাম্ভ ওইয়্যে সিয়েন সং তারা গজক গুরি নেযেলাক্‌। এ ধূল্যেচর-চাগালাগান্‌ ইউফ্রেটিস গাঙর্‌ পোজিমেন্দি এলঅ।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

গণাণা 10:12

সেক্কে ইস্রায়েলীয়গুনে সিনাই ধূল্যেচর চাগালাগান ফেলেইনে নিগিলি গেলাক্। সেই মেঘ্‌কান পারণ ধূল্যেচর চাগালাত্‌‌ এইনে সোজা ওইনে ন-থিয়্যেনা সং তারা যাহ্ ধুরিলাক।

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 11:11

মাত্তর্‌ যর্দন গাঙান পার ওইনে যে দেজ্‌ছান তুমি গজক্ গুরিবাত্তে যর্‌ সিয়েন্‌ মুড়ো-মুড়ি আর কিঝিঙোই ভোজ্যে; সে দেজ্‌ছানে পানি পাইদ্যে আগাজত্তুন্।

দ্বি’লম্বর বিররণ 11:24

দোগিণেদি ধূল্যেচর চাগালাত্তুন্‌ লেবানন সং আর ইউফ্রেটিস গাঙত্তুন্‌ ভুমধ্য সাগর সং তুমি যিয়েনত্‌ টেং ফেলেবা সে জাগায়ান্ তমার্‌ অবঅ।

যিহোশূয় 1:4

তমার দেজ্‌ছান্‌ অবঅ‌ ধূল্যেচর-চাগালাত্তুন লেবানন সং আর পূগেন্দি বড়গাঙ্‌ ইউফ্রেটিস আহ্‌ পোজিমেন্দি ভূমধ্য সাগর সং, অত্তাৎ হিত্তীয়গুনোর পুরো চাগালাগান্‌।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 9:1

যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।

ফগদাং পেইয়্যে 9:14

“যে চেরজন দূত্ বড়্‌গাঙ ইউফ্রেটিস ভিদিরে বান্ন্যে আঘন্ তারারে ইরি দে।”