দ্বি’লম্বর বিররণ 1:37 - Chakma Bible

³⁷ তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 1:37 ပူးပေါင်းရင်းမြစ်များ

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

দ্বি’লম্বর বিররণ 3:27

তুই পিস্‌গার মাদাবোত্‌ উদিনে উত্তোর-দোগিন্‌ আর পূগ-পোঝিমেন্দি চেই লঅ। যর্দন গাঙান্‌ পার্‌ ওইনে যেক্কে তমার্‌ যানা ন-অবঅ সেক্কে নিজোর্‌ চোগে দেজ্‌ছান একবার্‌ চেই নেযঅ।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 31:2

“মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।

দ্বি’লম্বর বিররণ 32:52

সেনত্যেই যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েন তুমি দূরোত্তুন দেগিবা মাত্তর সিয়েনত্ তুমি চোমেই ন-পারিবা।”

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

দ্বি’লম্বর বিররণ 4:21

তমাত্তে লগেপ্রভু মঅ উগুরে বেজার্‌ অলঅ। তে শমক্‌ খেইনে কোইয়্যেদে, সোম্বোত্তি ইজেবে যে অমকদ দোল্‌ দেজ্‌ছান তমার গোজেন্‌ লগেপ্রভু তমারে দিবাত্তে যার্‌, যর্দন গাঙান্‌ পার্‌ ওইনে মর্‌ সিদু যানা ন-অবঅ।

দ্বি’লম্বর বিররণ 4:22

মুই ইয়োদোই মুরি যেম্‌, যর্দন গাঙান্‌ পার্‌ ওই ন-পারিম; মাত্তর্‌ তুমি গাঙান্‌ পার্‌ ওইনে সে দোল্‌ দেজ্‌ছান অধিকার্‌ গুরিবাত্তে যর্‌।