দ্বি’লম্বর বিররণ 1:34 - Chakma Bible

^34-36 তমার কধানি শুনিনে লগেপ্রভু অমকদ বেজার্‌ ওইনে শমক্‌ গুরিনে কোইয়্যেদে, যে দোল্‌ দেজ্‌ছান তমার্‌ পূরোণি মানুচ্চুনোরে দিবার্‌ শমক্‌ মুই গোজ্যং বানা যিফুন্নির্‌ পূঅ কালেব বাদে ইক্কিনে সেই বজং মানুচ্চুনো ভিদিরে একজনেয়ো সিয়েনি চেই ন পেবাক্। বানা কালেবে সিয়েনি দিগিবো। তে পুরোপুরি ভাবে লগেপ্রভুর কধা মজিম চোল্যে বিলিনে তে সিয়েনি দিগিবো আর যিয়েনত্‌ তে টেং দিইনে এচ্ছ্যে সিয়েনোই মুই তারে আর তার্‌ বংশধরুনোরে দিম্‌।

দ্বি’লম্বর বিররণ 1:34 ပူးပေါင်းရင်းမြစ်များ

গীতসংহিতা 78:59

ইয়েনি দেগিনে গোজেনে অমকদ বেজার্ অলঅ; তে ইস্রায়েলরে পুরোপুরি গুরিনে এলাফেলা গুরিলো।

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

গণাণা 32:14

“আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

ইব্রীয় 3:18

আর কাইধু বা গোজেনে খাম হেইনে কোইয়্যেদে, তারা তার্ দিয়্যে জিরেবার জাগানত্ যেই ন-পারিবাক্? তারা কি সেই মানুচ্চুন নয় যিগুনে তারে অবিশ্বেজ গুরিনে অমান্য গোজ্জ্যন?