দ্বি’লম্বর বিররণ 1:33 - Chakma Bible

³³ তেয়ই দঅ তাম্বুলান ফেলেবার্‌ জাগায়ান ঠিগ্ গুরিবাত্তে আর পথ দেগেইনে তমারে নেযেবাত্তে রেদোত্‌ আগুনো ভিদিরেন্দি আর দিনোত্‌ মেঘ ভিদিরেন্দি যেবার পদথ্ তমার্‌ আগে আগে যেইয়্যে।

দ্বি’লম্বর বিররণ 1:33 ပူးပေါင်းရင်းမြစ်များ

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

গীতসংহিতা 105:39

তারারে ন-দেগিবাত্তে তে তার সেই মেঘ্‌কান মিলি দিলো, আর রেদোত্ পহ্‌র্ দিবাত্তে আগুন দিলো।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

যিরমিয় 31:2

লগেপ্রভু আরঅ কোইয়্যেদে, “ইস্রায়েলীয়গুনে যেক্কে জিরেন্ পেবাত্তে যাদন সেক্কে যিগুনে যুদ্ধোর আঢত্তুন বাচ্চ্যন্ তারা ধূল্যেচর-বামত্ মর্ দোয়্যে পেইয়োন।”

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

গণাণা 10:33

ইঙিরিনে ইস্রায়েলীয়গুনে লগেপ্রভুর মুড়োবো ইত্তুন্‌ আদা মারিনে তিন দিনোর পদথ্‌ উজেই গেলাক্। তারা ঝিরেবাত্তে এক্কান্‌ জাগা তোগেইনে নিগিলেবার্‌ আজাই সেই তিন দিন সং লগেপ্রভুর বেবস্থা-সুন্দুক্কো তারার্‌ আগে আগে যাহ্ ধুরিলো।

গণাণা 14:14

সেই কধাগান্‌ সেক্কে মিসরীয়োগুনে এই দেজর্‌ মানুচ্চুনোরেয়ো কবাক্। ও লগেপ্রভু, এ ভিদিরে এ দেজর্‌ মানুচ্চুনে শুন্যন্দে, তুই ইস্রায়েলীয়গুনো সমারে আগচ্‌, আর ও লগেপ্রভু, তরে অমহদ কায়-কুরেত্তুন্‌ দেগা যায়। তারা শুন্যন্দে, তর্‌ মেক্কান্‌ ইগুনো উগুরে আঘে আর দিনোত্ তুই মেঘ আন্দলে আর রেদোত্ আগুনো আন্দল ভিদিরেত্তুন্‌ ইগুনোর্‌ আগে আগে আদচ্‌।