দ্বি’লম্বর বিররণ 1:30 - Chakma Bible

^30-31 তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

দ্বি’লম্বর বিররণ 1:30 ပူးပေါင်းရင်းမြစ်များ

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 4:20

তুমি যিয়েনত্‌ তূরীর রঅ্‌গুন শুনিবা সিয়েনত্‌ আমা ইদু এইনে এগত্তর্‌ অবা। আমা গোজেনে আমার্‌ ওইনে যুদ্ধো গুরিবো।”

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

যাত্রা 10:21

পরেদি লগেপ্রভু মোশিরে কলঅ, “আগাজ কিত্তেদি তঅ আত্তান্‌ বাবেই দে। সেক্কে আত্তোই ধোজ্যেদে ধোক্ক্যেন আন্ধারত্‌ দেজ্‌চান্‌ ডুবি যেবগোই।”

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যাত্রা 14:25

ইয়েনিবাদেয়ো তে রথ্‌‌তানর্‌ চাক্কাগুনো খুলি ফেলেল; সেক্কে রথ্‌‌তানি চালাদে তারার্‌ অমহদ দুখ্‌ ওইয়্যে। মিসরীয়গুনে সেক্কে কলাক্, “আঢঅ, আমি ইস্রায়েলীয়গুনোরে ইরি দিইনে ধেই‌ যেই, কিত্তে লগেপ্রভুই ইস্রায়েলীয়গুনোর্‌ ওইনে মিসরীয়গুনোর্‌ বিরুদ্ধে যুদ্ধো গোজ্যে।”

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

দ্বি’লম্বর বিররণ 1:29

সিয়েন্‌ শুনিনে মুই তারারে কলুং, তুমি ন দোরেয়ো, সেই মানুচ্চুনোরে ন দোরেয়ো।

দ্বি’লম্বর বিররণ 11:3

মিসর দেজ ভিদিরে মিসরর রাজাবো ফরৌণ আর তার বেক্‌ দেজছান উগুরে তে যেদক্কানি চিহ্নো আর অন্য কামানি গোজ্যে সিয়েনিয়ো তারা ন-দেগন্‌।

দ্বি’লম্বর বিররণ 29:2

মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

দ্বি’লম্বর বিররণ 3:22

তুমি তারারে ন-দোরেয়ো; তমা গোজেন্‌ লগেপ্রভু নিজে তমার্‌ ওইনে যুদ্ধো গুরিবো।

দ্বি’লম্বর বিররণ 31:3

তমার গোজেন লগেপ্রভু নিজে গাঙান্ পার্ ওইনে তমার আগে আগে যেবঅ। তমা মুজুঙোত্তুন সেই বেক্‌ জাদ্‌তুনোরে তেয়ই ভস্ত গুরি দিবো আর তুমি তারার দেজ্‌ছান গজক্ গুরি নেযেবা। লগেপ্রভুর কধা মজিম যিহোশূয় গাঙান পার্ ওইনে তমার আগে আগে যেবঅ।

দ্বি’লম্বর বিররণ 34:11

লগেপ্রভু মোশিরে মিসর দেজত্‌ ফরৌণ আর তার কামগুরিয়্যে আর তার গোদা দেজ উগুরে যে বেক আমক্‌ অবার্‌ চিহ্নোগানি আর কাম গুরিবাত্তে পাধেই দিয়্যে সেধোক্ক্যেন কাম্‌ আর কনজনে ন-গরন্‌।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

যিহোশূয় 10:14

এ আগেদি বা পরেন্দি এধোক্ক্যেন দিন আর কনদিনঅ‌ ন-এজে যেক্কেনে লগেপ্রভু এধোক্ক্যেনগুরি মান্‌জ্যর্‌ কধানি রাগেয়্যে। সেদিন্যে লগেপ্রভু ইস্রায়েলীয়গুনোর ওইনে যুদ্ধো গোজ্যে।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 23:3

তমা গোজেন লগেপ্রভু তমাত্তে এ জাত্‌তো উগুরে যিয়েনি গোজ্যে সিয়েনি দঅ‌ তুমি নিজোর্‌ চোগেদি দেক্কো। তমা গোজেন লগেপ্রভু নিজেই তমার্‌ ওইনে যুদ্ধো গোজ্যে।