দ্বি’লম্বর বিররণ 1:25 - Chakma Bible

²⁵ তারা সেই দেজর্‌ কিজু গুলোগুলি লগে গুরি নেযেইনে আমারে কলাক্, আমার গোজেন লগেপ্রভু যে দেজ্‌ছান আমারে দিবাত্তে যার্‌ সিয়েন্‌ জদবদে দোল্‌।

দ্বি’লম্বর বিররণ 1:25 ပူးပေါင်းရင်းမြစ်များ

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

গণাণা 13:20

সিদুগোর্‌ মাদিত্‌ কি গম্‌ ক্ষেত-ক্ষেত্তি জর্মায়, না-কি ন-জর্মায়? সিয়েনত্‌ গাজবাজ্ আগন্‌, না-কি নেই? সে জাগানত্তুন্ কয়েক্কো গুলো-গুলি লোই আনিবাত্তে তুমি অমকদ চেট্টা গুরিবা।” সে অক্তত্‌ বানা আংগুর্‌ তুলোনা আরাম্ভ ওইয়্যে।

গণাণা 13:27

তারা মোশিরে কলাক্, “তুই আমারে যে দেজত্‌ পাদেয়োচ্‌ আমি সিয়োদোই যেইয়্যেই। দেজ্‌চানত্‌ আজলে দুধ, মধু আর কনঅ কিজুর অভাব নেই। ইগুনোই অলাক সিদুগোর্ গুলোগুলি।

দ্বি’লম্বর বিররণ 1:24

তারা তমারে ছাড়িনে সেই মুড়ো-মুড়ি চাগালাত্‌ উদিলাক আর ইষ্কোল কিঝিঙোত্‌ যেইনে গমেডালে বেক্কানি চেইনে এলাক।

দ্বি’লম্বর বিররণ 1:26

মাত্তর্‌ তুমি সেই দেজত্‌ যেবাত্তে ন চেলা। তুমি তমার্‌ গোজেন লগেপ্রভুর উগুমোর্‌ বিরুদ্ধে থিয়্যেলা।