দ্বি’লম্বর বিররণ 1:11 - Chakma Bible

¹¹ তমার পূরোণি মানুচ্চুনোর গোজেন লগেপ্রভু তমা মানুচ্চুনোরে আরঅ আজার্‌ গুণ বাড়েই দুয়োক্‌ আর তার্‌ এগেম্ মজিম তে তমারে আশিদবাদ্‌ গোরোক্।

দ্বি’লম্বর বিররণ 1:11 ပူးပေါင်းရင်းမြစ်များ

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

২ শমূয়েল 24:3

জোবত্‌ যোয়াবে রাজারে কলঅ, “তঅ গোজেন লগেপ্রভু যেনে মানুচ্চুনোরে একশতগুন্‌ বাড়েই দে, আর মঅ গিরোজ্‌ মহারাজে যেনে তা নিজোর চোগেন্দি দেগে। মাত্তর্‌ মঅ গিরোজ্‌ মহারাজে এবাবোত্যে কাম্ কিত্তে গুরিবাত্তে চার্‌?”

১ বংশধর 21:3

মাত্তর্‌ যোয়াবে জোবত্‌ কলঅ, “লগেপ্রভু যেনে তার্‌ নিজো মানুচ্চুনোরে একশঅ গুণ্‌ বাড়েই দে। মর্‌ গিরোজ মহারাজ, ইগুনে বেক্কুনে কি তর্ চাগর্‌ নয়? সালে কিত্তে মঅ গিরোজ্‌সো ইয়েন্‌ গুরিবাত্তে চেইয়্যে? কিয়া তত্তে পুরো ইস্রায়েল জাদ্‌তুয়ো দুষি অবঅ?”

গীতসংহিতা 115:14

লগেপ্রভু তমার আর তমা পুয়ো-ছাগুনোর গুট্টিগুন বাড়েই দোক্।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিহিষ্কেল 16:7

মুই তরে খেদর্ চারা ধোক্ক্যেন দাঙর্ গুরি তুলিলুং। তুই দাঙর্ ওই উদিনে হার্‌কোজ্যে গাবুর্ অলে, তঅ বুগ্‌কো দাঙর্ অলঅ, কেশ্ উদিলো, মাত্তর্ তুই লাংটা-বাংটা আর কাবড় ছাড়া এলে।

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 6:27

“এবাবোত্যেগুরি তারা ইস্রায়েলীয়গুনো উগুরে মর্‌ নাঙান্‌ কুয়ো ধুরিবাক্, সেক্কে মুয়ই তারারে বর্ দিম।”

দ্বি’লম্বর বিররণ 1:10

তমার গোজেন লগেপ্রভু তমা মানুচ্চুনোরে এদক বাড়েই দিয়্যেদে যে, এইচ্ছ্যে তুমি আগাজ তারা ধোক্ক্যেন গুণি ন পুড়েইয়্যে ওই উঠ্য।

দ্বি’লম্বর বিররণ 1:12

মাত্তর্‌ মুই গায়্‌ গায়্‌ কেধোক্ক্যেন গুরি তমার্‌ বেক্‌ কোল্‌-কোজ্যেগানি সামেলেবার ভারান্‌ আর কামানি গুঝি লোম্‌?

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 10:22

তমার্‌ যে পুরোণি মানুচ্চুনে মিসরত্‌ যেইয়োন তারা সোংখ্যেন্দি এলাক্কে বানা সত্তুরজন আর ইক্কিনে তমার গোজেন লগেপ্রভু তমারে জনেদি গুরি দিয়্যে আগাজর্‌ তারাগুনো ধোক্ক্যেন গুণি ন-পুড়েইয়্যে।

দ্বি’লম্বর বিররণ 28:62

তমা মান্‌জ্যর সোংখ্যে আগাজর্‌ তারা ধোক্ক্যেন অলেয়ো তমার গোজেন লগেপ্রভু উগুরে অবাধ্য অনার কারনে তুমি সেক্কে বানা থরা কয়েকজনই বাঁজি থেবা।