দানিয়েল 9:3 - Chakma Bible

³ সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

দানিয়েল 9:3 ပူးပေါင်းရင်းမြစ်များ

২ শমূয়েল 12:16

সেক্কে দায়ূদে পূঅবোত্তে গোজেন ইদু কোজোলী গরা ধুরিলো। তে উবোস্‌ থেলঅ আর তা ঘরত্‌ যেইনে মাদিত্‌ ঘুম যেইনে রেত্তো কাদেল।

ইষ্রা 10:6

সে পরেদি ইষ্রা গোজেনর্ ঘর মুজুঙোত্তুন্ ইলীয়াশীবর পুয়ো যিহোহাননর ঘুদিবোত্ গেলঅ। তে সিয়েনত্ হানা বা পানি কিচ্ছু ন হেলঅ, কিত্যে বন্দীদযাত্তুন্ ফিরি এচ্চ্যে মানুচ্চুনোর অবিশ্বেজত্যে তে আবিলেচ্ গুরিলো।

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

ইষ্রা 9:5

সে পরেদি সাজোন্যে অক্তত্ উৎসর্বর সময়োত্ মুই মন মরা ওয়্যে দুঘোত্তুন্ ফিরিলুং আর সেই ফাদি যেইয়্যে কাবড় সুমুত্তো আঢু পাদিনে মর্ গোজেন লগেপ্রভুর মুজুঙোত্ দ্বি আঢ্ বাবেই দিইনে এই তবনাগান গুরিলুং,

নহিমিয় 9:1

সে একই মাজর্‌ চোব্বিশ দিনোত্‌ ইস্রায়েলীয়গুনে এগত্তর্‌ ওইনে উবোস্‌ থেলাক্‌, বস্তা পাদা উরিলাক্‌ আর মাদাগুনোত্‌ ধূল্যে দিলাক্‌।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গীতসংহিতা 35:13

তো তারার্ অসুগোর্ সময়োত্ মুই বস্তা ফাদা সিলুম্ উয্যং; উবোস্ থেইনে নিজোরে বল্‌‌পোজ্যে গোজ্যং; মাত্তর্ মঅ তবনাগান মইদু ফিরি এচ্চ্যে।

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

দানিয়েল 9:20

এবাবোত্যেগুরি মুই তবনা গুরিলুং, মর্ আর মর্ জাতি ইস্রায়েলীয়গুনোর পাপ স্বীগের্ গুরিলুং আর মর্ গোজেন লগেপ্রভু ইধু তার সুদ্ধো-সাংগ মুড়োবোত্তে কোজোলী গুরিলুং।

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

যোনা 3:5

সেক্কে নীনবীর মানুচ্চুনে গোজেন কধানি বিশ্বেজ্ গুরিলাক্। সেনত্তে তারা উবোস্ থানা কধাগান কলাক্ আর দাঙরত্তুন্ ধুরি চিগোন সং বেক্কুনে বস্তা পাদা পিনিলাক্।

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

প্রেরিত্‌ 10:30

সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্‌জোল্ল্যা কাবড় উজ্যে এক্কো মানুচ্‌ মঅ মুজুঙোত্ এইনে থিয়্যেইনে কলঅ,