দানিয়েল 9:26 - Chakma Bible

²⁶ বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

দানিয়েল 9:26 ပူးပေါင်းရင်းမြစ်များ

২ শমূয়েল 21:5

জোবত্‌ তারা রাজারে কলাক্, “যে মানুচ্চো আমারে শেজ্‌ গোজ্যে আর ইস্রায়েলর ধুজিত্তুন্‌ আমারে তুলি দিবাত্তে আমা বিরুদ্ধে কুজুরোমি গোজ্যে,

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

যিশাইয় 28:2

চঅ, প্রভুর্ এক্কো খেমতাবলা আর বোলী মানুচ্ আঘে। শিলোঝড় আর ভস্ত গুরিয়্যে এক্কান বোইয়্যের ধোক্ক্যেন্, অমকদ ঝড় পোজ্যে এক্কান বান ঝড় ধোক্ক্যেন্ তে জুড়ে সেই শঅরানরে মাদিত্ মেলা মারি ফেলেই দিবো।

যিশাইয় 28:22

সেনত্তে ইক্কিনে তমার্ ঠাট্টা-মশ্‌কারীগানি থাম, সিয়েন ন-গুরিলে তমার্ বান্যেগানি আরঅ দরমর অবঅ; কিত্তে বেগত্তুন্ খেমতাবলা প্রভু লগেপ্রভুর্ মুয়োদি মুই পুরো দেজ্‌‌‌ছানত্তে ঠিগ গোজ্যে ভস্তর্ কধা শুন্যং।‌

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

যিশাইয় 8:7

সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

যিরমিয় 46:7

সিবে কন্না যে, নীল গাঙ ধোক্ক্যেন গুরি, গাঙর্ ফুলি উঠ্যে পানি ধোক্ক্যেন গুরি উদি এজের্?

যিরমিয় 51:42

বাবিল উগুরে সাগরান উদি এবঅ, তার গুজুরি উঠ্যে তুবোলান্ তারে ঢাগি ফেলেব।

দানিয়েল 11:10

তা পুয়োগুনে যুদ্ধোত্তে যুক্কোল্ ওইনে এক বিরেট্ সৈন্যদল তুবেবাক্ আর দর্‌‌‌গরেপারা বান পানি ধোক্ক্যেন উজেই যেইনে যুদ্ধো গত্তে গত্তে দোগিণো রাজার তাম্বুলান সং যেবাক্।

দানিয়েল 11:17

তে তার পুরো রেজ্যগানর্ খেমতা লগে নিইনে সিয়েনত্ এবঅ বিলিনে থির্ গুরিবো আর দোগিণো রাজার লগে দাংগুত্ব গুরিবো। সেই রেজ্যগান ভস্ত গুরিবাত্তে তে তার্ এক্কো ঝিরে দোগিণো রাজার লগে বৌ দিবো, মাত্তর্ সিয়েনর পরিকল্পানাগান ন-ফলিবো বা সিয়েনর কনঅ লাভ্‌অ ন-অবঅ।

দানিয়েল 11:22

যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

মথি লেখ্যে গম্ হবর্ 22:2

স্বর্গ-রেজ্যগান্ এমন্ এক্কো রাজা ধোক্ক্যেন্ যিবে তার্ পুয়োবো মেলাত্ হানা যুক্কোল্ গুরিলো।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মথি লেখ্যে গম্ হবর্ 23:38

তমা ঘরানি তমা মুজুঙোত্ এনেবাদে পড়ি থেবঅ।

মথি লেখ্যে গম্ হবর্ 24:2

সেক্কে যীশু তারারে কলঅ, “তুমি দঅ ইয়েনি বেক্কানি দেগর্, মাত্তর্ মুই তমারে ঘেচ্চেকগুরি কঙর্, ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

মার্ক 13:2

যীশু কলঅ, “তুই দঅ এই দাঙর্ দাঙর্ বিল্ডিঙানি দেগর্, মাত্তর্ ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

মার্ক 13:7

যেক্কে তুমি যুদ্ধোর্ রঅ আর যুদ্ধোর্ হবর্ শুনিবা সেক্কে ন-দোরেয়ো। ইয়েনি অবঅ, মাত্তর্ সেক্কেয়ো থুম্ নয়।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

লূকে লেখ্যে গম্ হবর্ 21:6

“তুই দঅ ইয়েনি বেক্কানি দেগর্, মাত্তর্ এমন সময় এবঅ যেক্কে ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

লূকে লেখ্যে গম্ হবর্ 24:26

এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।