দানিয়েল 9:21 - Chakma Bible

²¹ মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

দানিয়েল 9:21 ပူးပေါင်းရင်းမြစ်များ

১ রাজাবলী 18:29

দিবুজ্যে গেলগোই আর বেল্যে বেল্যে য়েমান্‌-উৎসর্বর অক্ত সং ভুদে পেয়্যে মান্‌জ্য ধোক্ক্যেন্ তারা ফুলু ফাল্যে ভাচ্ কুয়া ধুরিলাক্‌। মাত্তর্‌ কনঅ সাড়া পাহ্ ন-গেলঅ, কনজনে জোব্‌ ন-দিলাক্‌, কনজনে মনযোগ্‌অ ন-দিলাক্‌।

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

যাত্রা 29:39

এক্কো ডালিদিয়্যে পুরিবো বেন্যেমাদান্ আর অন্যবো সাজোন্যেঅক্তত্‌।

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

যিহিষ্কেল 1:11

তারার্ মুয়োনি এবাবোত্যে এলঅ। তারার ডুয়োগানি উগুরেদি মিলি দিয়্যে এলঅ; পত্তিজনর্ দ্বিয়েন ডুয়ো তা দ্বি কিত্তেদি প্রাণিগুনোর্ ডুয়োনি বাস্যে এলঅ, আর দ্বিয়েন ডুয়োলোই কিয়্যেগান ঢাক্যে এলঅ।

যিহিষ্কেল 1:14

প্রাণীগুন ঝিমিলেনি ধোক্ক্যেনগুরি এজানা-যানা গরদন্।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

দানিয়েল 10:10

সেক্কে এক্কান আঢে মরে ধুরি মরে দ্বিআঢে আর আদু উগুরে ভর্ গুরি দিলো।

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 10:18

সেক্কে মান্‌‌‌‌‌জ্য ধোক্ক্যেন দেগদে সেই স্বর্গদূত্তো আরঅ মরে ধুরিলো আর মরে বল্ দিলো।

দানিয়েল 8:16

মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

দানিয়েল 8:18

তে যেক্কেনে মঅ লগে কধা কর্ সেক্কে মুই মাঢা নিগিজ্যে অবস্থায় অজ্ঞান ওই পড়ি গেলুং। তে মরে ধুরিনে টেঙোই ভর্ দিইনে থিয়্যেবাত্তে দিলো।

মথি লেখ্যে গম্ হবর্ 27:46

প্রায় তিন্‌টা সময় যীশু রঅ ছাড়িনে কলঅ, “এলী, এলী, লামা শবক্তানী,” অত্তাৎ “মঅ গোজেন, মঅ গোজেন, কিত্তে তুই মরে ছাড়ি যেইয়োচ্?”

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 1:26

ইলীশাবেতে যেক্কে ছয় মাসর্ পিদিলী সেক্কে গোজেনে গালীল রেজ্যর্ নাসরত আদামর্ মরিয়ম নাঙে এক্কো গাবুজ্যে মিলে ইধু গাব্রিয়েল দূতরে পাধেল। রাজা দায়ূদো গুট্টির যোষেফ নাঙে এক্কো মান্‌জ্য লগে তার্ মেলার্ কধাবাত্তা ঠিগ্ ওইয়্যে।

প্রেরিত্‌ 10:3

এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।

প্রেরিত্‌ 10:9

তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো।

প্রেরিত্‌ 12:7

এমন্ সময়োত্ আদিক্ক্যেগুরি প্রভুর এক্কো দূত্ সিয়েনত্ এইনে থিয়েল। সেক্কে জেল্‌খানাত্ সেই ঘরান্ পহ্‌রে জ্বোল্‌জোল্যে ওই উদিলো। স্বর্গদূত্‌তো পিতর কিয়্যেত্ জোরে ঠেলা দিইনে তারে জাগেইনে কলঅ, “যাদিমাদি উদো।” ইয়েন্দোই পিতর দ্বি আঢত্তুন্ শিগোলান্ খুয়োই পড়ি গেলঅ।

প্রেরিত্‌ 3:1

একদিন্ন্যে বেল্যেমাদান্ তিনটায় তবনা গুরিবার সময়োত্ পিতর আর যোহনে উবোসনা-ঘরত যাদন্।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 1:7

স্বর্গদূত্‌‌তুনো পৌইদ্যেনে গোজেনে কত্তে, “তে বোইয়্যেরানরে তার্ দূত বানেয়্যে; জ্বোল্-জোল্যে আগুনানরে গোজ্জ্যেদে তার্ চাগর্।”

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।