দানিয়েল 9:20 - Chakma Bible

²⁰ এবাবোত্যেগুরি মুই তবনা গুরিলুং, মর্ আর মর্ জাতি ইস্রায়েলীয়গুনোর পাপ স্বীগের্ গুরিলুং আর মর্ গোজেন লগেপ্রভু ইধু তার সুদ্ধো-সাংগ মুড়োবোত্তে কোজোলী গুরিলুং।

দানিয়েল 9:20 ပူးပေါင်းရင်းမြစ်များ

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

নহিমিয় 1:6

ও লগেপ্রভু, কোজোলি গরঙ্‌, তঅ চাগরুনোত্তেই, অত্তাৎ ইস্রায়েলীয়গুনোত্তে মুই তঅ চাগর্‌ তঅ মুজুঙোত্‌ দিনে রেদে যে তবনা গরঙর্‌ সিয়েনি তুই শুন্‌ আর সিয়েনিত্‌ মনান্‌ দে। আমি ইস্রায়েলীয়গুনে তর্‌ উল্লোমি গুরিনে যে পাপ্পানি গোজ্যেই সিয়েনি মুই স্বীগের্‌ গরঙর্‌। হামাক্কাই মুই আর মঅ্‌ বাবর্‌ বংশর মানুচ্চুনে পাপ গোজ্যেই।

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

দানিয়েল 10:12

তে কুয়ো ধুরিলো, “দানিয়েল, ন-দোরেচ্। পত্তম্ যেদিন্যে তুই দর্শনানর পৌইদ্যেনে বুঝিবাত্তে আর তর্ গোজেন মুজুঙোত্ মনান্ ভাঙিনে দুঘ্ স্বীগের্ গুরিবাত্তে মনান্ থির্ গোজ্যস সেদিন্যে তঅ কধা শুনো ওইয়্যে আর সেনত্তে মুই এচ্চ্যং।

দানিয়েল 10:2

সে সময় মুই দানিয়েল তিন সাপ্তা ধুরি আবিলেচ্ গোজ্যং।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

রোমীয় 3:23

কিত্যেই বেক্কুনে পাপ গোজ্জ্যন্ আর গোজেনর্ বাঈনী পেবার্ অযোগ্য ওইয়োন্।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

ফগদাং পেইয়্যে 21:10

যেরেদি সেই স্বর্গদূত্‌তো মরে এক্কো দাঙর্ আর অজল্ মূড়োত্ নেযেল। সেক্কে মুই পবিত্র আত্মায় পরিচালিত এলুং। গোজেনর্ মহিমালোই জ্বোল্‌জোল্ল্যে যে পবিত্র শঅরান যিরূশালেম স্বর্গর্ ভিদিরেত্তুন্ আর গোজেনত্তুন্ লামি এজের্ তে মরে সিয়েন দেগেল।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।