দানিয়েল 9:18 - Chakma Bible

¹⁸ ও মর্ গোজেন, তুই কান্ দে, শুন; তঅ চোগ্‌‌‌‌‌কুন খুল্ আর যে শঅরান তঅ নাঙে চিনেজানা সিয়েনর ভস্ত অনা একপল্লা চাহ্। আমা নিজো গুণে নয় বরং তর্ দাঙর্ দোয়্যেত্তে আমি তইদু কোজোলী গুরির্।

দানিয়েল 9:18 ပူးပေါင်းရင်းမြစ်များ

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

২ রাজাবলী 19:16

ও লগেপ্রভু, কানান পাদ্, শুন্‌; ও লগেপ্রভু, তঅ চোখকুন্‌ হুল্‌, চাহ্‌; জেদা গোজেনরে অগমান গুরিবাত্তে সন্‌হেরীবে যে কধাগান্‌ কোই পাদেয়্যে সিয়েন্‌ শুন্‌।

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 25:6

ও লগেপ্রভু, তর্ মমতা আর অমকদ কোচ্‌‌পানার কধা তুই পুরি ন-ফেলেচ্; সিয়েনি দঅ তর্ উমরর্ কাম।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যিশাইয় 37:17

ও লগেপ্রভু, কানান্ পাদ্, শুন্; ও লগেপ্রভু, তঅ চোগ্‌কুন খুল্, চাহ্; জেদা গোজেনরে অগমান্ গুরিবাত্তে সন্‌‌হেরীবে যে কধানি কোই পাদেয়্যে সিয়েনি শুন্।

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 64:12

ও লগেপ্রভু, ইয়েনির পরেদিয়ো কি তুই বুয়োই থেবে? তুই কি জুরো গুরি থেইনে আমারে অমকদ সাজা দিবে?

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 14:9

কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যিরমিয় 25:29

চঅ, মর্ নিজো শঅরানরে মুই পত্থমে ভস্ত গুরিবাত্তে যাঙর্, সালে তুমি কি সাজা ন-পেইনে থেবা? তুমি সাজা পেবাদে পেবা, কিত্তে পিত্‌থিমীর বেক্ মানুচ্চুনো বিরুদ্ধে মুই যুদ্ধো ডাগি আনঙর্। মুই বেগত্তুন খেমতাবলা লগেপ্রভু এ কধাগান কঙর্।

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিরমিয় 37:20

মাত্তর্ ইক্কিনি ও মর্ প্রভু মহারাজ, দোয়্যে গুরি শুন। তইধু মুই মর্ এ কোজোলীগান রাগাঙর্, তুই মরে লিগিয়্যে যোনাথন ঘরত্ আর্ ন-পাদেবে, পাদেলে মুই সিদু মুরি যেম্।”

যিহিষ্কেল 36:22

সেনত্তে তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ও ইস্রায়েলীয়গুন, মুই যে তমাত্তে এ কামান্ গুরিবাত্তে যাঙর্ সিয়েন নয়, মাত্তর্ মর্ সেই পবিত্র নাঙানর্ কারনে গুরিম। তুমি যিদুক্কুন জাদ ভিদিরে যেইয়ো সিদু এই নাঙান্ অপবিত্র গোজ্য।

যিহিষ্কেল 36:32

তুমি হবর্ পেবা যে, মুই তমাত্তে এ কামান গুরিবাত্তে ন-যাঙর্। ও ইস্রায়েল জাদ, তমা আচার-বেবহারত্তে তুমি লাজেবা আর সুদোমু অবা।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

গণাণা 6:27

“এবাবোত্যেগুরি তারা ইস্রায়েলীয়গুনো উগুরে মর্‌ নাঙান্‌ কুয়ো ধুরিবাক্, সেক্কে মুয়ই তারারে বর্ দিম।”