দানিয়েল 9:14 - Chakma Bible

¹⁴ সেনত্তে ও লগেপ্রভু, তুই দযা যুক্কোল্ গুরি রাগেয়োচ্ যেন সিয়েন ইক্কিনে আমা উগুরে পাধেই দি পারচ্, কিয়া আমা গোজেন লগেপ্রভু বেক্ কামানিত্ ন্যায়বলা; তো আমি তঅ কধা ন-শুনিই।

দানিয়েল 9:14 ပူးပေါင်းရင်းမြစ်များ

২ বংশধর 12:6

সেক্কে রাজা আর ইস্রায়েলীয় নেতাগুনে নিজোরে চিগোন গুরিলাক্‌ আর কলাক্‌, “লগেপ্রভু ন্যায় বিচেরগ।”

ইষ্রা 9:15

ও ইস্রায়েলর গোজেন লগেপ্রভু, তুই ন্যায়বলা। আমি এচ্চ্যে সং কিজু মানুচ্ বাঁজি আগিই। তঅ মুজুঙোত্ আমি বেক্কুনে পাপী, আর সেনত্যে আমাত্তুন্ কেয়ই তঅ মুজুঙোত্ থিয়্যেবার্ যগাজ্যে নয়।”

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

গীতসংহিতা 111:7

তার্ বেক কামানিত্ তে বিশ্বেজি আর অমকদ গম; তার বেক সুদোমানি বিশ্বেজ্ গুরিবার।

গীতসংহিতা 116:5

লগেপ্রভু দোয়্যেবলা আর গম্; আমা গোজেনে দোয়্যে-মেয়েন্দি তুজিমপুরো।

গীতসংহিতা 119:137

ও লগেপ্রভু, তুই ধার্মিক; তর্ বিচেরানি দোল্।

গীতসংহিতা 51:14

ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

যাত্রা 9:27

ফরৌণে সেক্কে মোশি আর হারোণরে ডাগি আনিনে কলঅ, “এবেরা মুই পাপ কাম গোজ্যং। লগেপ্রভু ঠিগ্ কামান্‌ গোজ্যে। মুই আর মঅ মানুচ্চুনে দুষী।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 31:28

মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

যিরমিয় 4:17

খেদ চুগিদার ধোক্ক্যেন তারা যিরূশালেমরে ঘিরি রাগেবাক্, কিত্তে তে মঅ বিরুদ্ধে উল্লোমি গোজ্যে। মুই লগেপ্রভু এ কধাগান কঙর্।

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।