দানিয়েল 8:22 - Chakma Bible

²² ভাঙি ফেল্যে শিঙুনো জাগানত্ সেই চের্‌বো শিং অলঅ চেরান রেজ্য যিয়েনি সেই জাদ ভিদিরেত্তুন্ নিগিলিবো মাত্তর্ সেই রেজ্যগানির্ রাজাগুনোর পত্তম রাজা ধোক্ক্যেন খেমতা ন-থেবঅ।

দানিয়েল 8:22 ပူးပေါင်းရင်းမြစ်များ

দানিয়েল 11:4

তে উদিবার পরেদি তা রেজ্যগান ভাঙিনে চেরোকিত্তেদি চের্‌‌ভাগ ওই যেবঅ। তা রেজ্যগান তা বংশধরুনো আঢত্ ন-যেবঅ; সেই রেজ্যগান যিগুনো আঢত্ যেবঅ আগ রাজাগুনো ধোক্ক্যেন তারার্ খেমতা ন-থেবঅ, কিত্যে তারার্ রেজ্যগান ভস্ত ওইনে অন্যগুনো আঢত্ যেবঅ।

দানিয়েল 7:6

সে পরেদি মুই রিনি চেইনে আর এক্কো য়েমান দেগিলুং। সিবে রিনি চাদে হোক্যে বাঘ ধোক্ক্যেন্ এলঅ। তা পিদোত্ পেগো ডুয়ো ধোক্ক্যেন চেরান ডুয়ো এলঅ। এ য়েমান্নোর চের্‌‌‌বো মাঢা এলঅ আর তারে কাবিদ্যঙগিরি গুরিবার খেমতা দিয়্যে অলঅ।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

দানিয়েল 8:21

সেই লোমশ ছাগল্লো অলঅ গ্রীস রেজ্যগান আর তা দ্বিচোগো সংমোধ্যে দাঙর্ শিঙো অলঅ রেজ্যর্ পত্তম রাজাবো।

দানিয়েল 8:23

তারার্ রাজাগিরির শেজদি যেক্কে পাপ এত বেশ্ অবঅ সেক্কে এক্কো অমকদ চিৎনপুজ্যে আর চালাক্ রাজা উদিবো।

দানিয়েল 8:3

মুই রিনি চেইনে এক্কো পাদা ভেড়ারে ছড়া পারত্ থিয়্যেই থাগদে দেগিলুং। তার দ্বিবে লাম্বা শিং এলঅ। এক্কো শিং আর এক্কোত্তুন্ লাম্বা আর সিবে যেরেদি উঠ্যে।

দানিয়েল 8:8

ছাগল্লো অমকদ বোলী ওই উদিলো, মাত্তর্ তে যেক্কেনে বোলী ওই উদিলো সেক্কেনে তার দাঙর্ শিঙো ভাঙি গেলঅ আর তা জাগানত্ চের্ কিত্তেদি চের্‌বো চোগোত্ পড়েদে ধোক্ক্যেন শিং উদিলাক্।

সখরিয় 6:1

মুই আরঅ রিনি চেইনে চেরান্ রথ দেগিলুং। সিয়েনি দ্বিবে মুড়ো সংমোধ্যেত্তুন্ নিগিলি এজের্। সেই মুড়ো দ্বিবে অলদে পিদোলর্।