দানিয়েল 8:16 - Chakma Bible

¹⁶ মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

দানিয়েল 8:16 ပူးပေါင်းရင်းမြစ်များ

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 7:16

যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।

সখরিয় 1:9

মুই পুযোর্ গুরিলুং, “ও মর্ প্রভু, ইয়েনি কি?” আর এক্কো স্বর্গদূত যিবে মঅ লগে কধা কোইয়্যে জোবত্ তে কোইয়্যেদে, “সিগুন কি মুই তরে দেগেম।”

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 1:26

ইলীশাবেতে যেক্কে ছয় মাসর্ পিদিলী সেক্কে গোজেনে গালীল রেজ্যর্ নাসরত আদামর্ মরিয়ম নাঙে এক্কো গাবুজ্যে মিলে ইধু গাব্রিয়েল দূতরে পাধেল। রাজা দায়ূদো গুট্টির যোষেফ নাঙে এক্কো মান্‌জ্য লগে তার্ মেলার্ কধাবাত্তা ঠিগ্ ওইয়্যে।

প্রেরিত্‌ 10:13

সে পরেদি তে এক্কো রঅ শুনিলো কন্না যেন তারে কর্, “পিতর, উঠ্, মারিনে হা।”

প্রেরিত্‌ 9:7

যে মানুচ্চুনে শৌল সমারে যাদন্ তারা আমক্ ওইনে থিয়্যেই রলাক্। তারা কধানি শুন্ন্যন্ মাত্তর্ কাররে ন-দেগন্।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ফগদাং পেইয়্যে 1:12

যিবে কধা কোইয়্যে তারে চেবাত্যে মুই ঘুরিনেই থিয়্যেলুং আর সনার সাত্‌টো চেরাগটগ্ দেগিলুং।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”