দানিয়েল 8:11 - Chakma Bible

¹¹ তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

দানিয়েল 8:11 ပူးပေါင်းရင်းမြစ်များ

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিরমিয় 48:26

মোয়াবরে মাত্তল্ গরঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে। তে তা ওগোল্যে উগুরে এগুড়্-উগুড়্ হেবঅ; মান্‌জ্যে তারে আজি- ঠাট্টার মানুচ্ কবাক্।

যিরমিয় 48:42

জাদ্ ইজেবে মোয়াবরে ভস্ত গরা অবঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে।

যিহিষ্কেল 46:14

ইয়েনি বাদেয়ো ইবে লগে পত্তি বেন্যেমাদান্ তমাত্তুন্ শোজ্য-উৎসর্বর্ জিনিস্‌অ দিয়্যে পড়িবো; ইয়েনত্ থেবঅ তিন কেজি মোইদ্যে আর সিয়েনত্ মুলিবাত্যে সোয়া এক লিটার তেল। লগেপ্রভুর নাঙে এ শোজ্য-উৎসর্বর্ অনুষ্ঠান এক্কান জিংকানিবরর্ উগুম।

দানিয়েল 11:22

যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

দানিয়েল 11:31

তা সৈন্যগুনে উপোসনা-ঘর, অত্তাৎ ঘরানি অসিজি গুরিবাক্ আর পত্তিদিনোর উৎসর্বর অনুষ্ঠান বন্ধ গুরি দিবাক্। সে পরেদি তারা ভস্ত অবার্ ঈচ্ গরেদে জিনিস থিদেবর্ গুরিবাক্।

দানিয়েল 12:11

যেদিন্যেত্তুন্ ধুরি অক্ত মজিম্ উৎসর্ব বন্ধ গুরি দিয়্যে অবঅ আর সর্বনাশা ঈচ্ গরেদে জিনিস থিদেবর্ গরা অবঅ সেদিন্যেত্তুন্ ধুরি এক আজার্ দিশঅ নব্বই দিন অবঅ।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 8:12

তা পাপত্যে সেই তারাগুন আর পত্তিদিনোর উৎসর্বর অনুষ্ঠান তা আঢত্ যেইনে পড়িলো। তে সত্যগানরে মাদিত্ ফেলেল আর যিয়েনি গুরিলো সিয়েনিত্ ফোলেল।

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

গণাণা 28:3

তে তারারে এই কধাগান কবাত্তে কলঅ, আগুন্দোই-পুজ্যে উৎসর্বত্তে লগেপ্রভুর মুজুঙোত্‌ পত্তি দিনোর্ অক্ত মজিম্ পুজ্যে-উৎসর্বত্তে তমাত্তুন এক বোজোজ্যে দ্বিবে দাগ্‌-দুগ্‌ নেইয়্যে ভেড়াছাগল-ছঅ আনা পুরিবো।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”