দানিয়েল 7:4 - Chakma Bible

⁴ পৌইল্যাবো এলঅ সিংহ ধোক্ক্যেন আর তার সাড়াল্যে চিলো ধোক্ক্যেন ডুয়ো এলঅ। রিনি চাদে চাদে তার ডুয়ো দ্বিয়েন ছিনি দিয়্যে অলঅ আর তারে মাদিত্তুন্ উগুরে তুলো অলঅ। সেক্কে সিবে মান্‌জ্য‌ ধোক্ক্যেন দ্বিয়েন টেঙোই থিয়্যেল আর তারে মান্‌‌জ্যর মন দিয়্যে অলঅ। ‌‌‌

দানিয়েল 7:4 ပူးပေါင်းရင်းမြစ်များ

২ শমূয়েল 1:23

বাঁজি থাগদে শৌল আর যোনাথনে কোচ্‌পেইয়্যে আর গম্‌ মানুচ্‌ এলাক্; তারা মরদেয়ো ফারক্‌ ন-অলাক্‌। তারার গঙার্ এলদে চিল পেগোত্তুন্‌‌অ বেশ্‌, আর বল্‌‌অ এলদে সিংহত্তুন্‌ বোউত্‌ বেশ্।

ইয়োব 25:6

সালে মানুচ্ কেজান্‌‌গুরি সোলিড্ ওই পারন্? তে দঅ এক্কো পুগো ধোক্ক্যেন; মান্‌‌জ্য পুঅগুন দঅ এক্কো কেচ্চো ধোক্ক্যেন।”

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 48:40

লগেপ্রভু কোইয়্যেদে, চঅ, এক্কো মানুচ্ ঈগল ধোক্ক্যেন শো শো গুরি লামি এজের্ আর মোয়াব বিরুদ্ধে তা ডুয়োনি ছিদি দের্।

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

আবিলেচ্ 4:19

আমারে যিগুনে লোড়েদাক্ তারা আগাজ ঈগল পেগোত্তুন্‌অ বেশ্ জোরে যেদাক্; তারা মুড়োই মুড়োই আমারে লোড়েদাক্ আর ধূল্যেচর-চাগালাত্ হাফ্ দি থেদাক্ আমাত্তে।

যিহিষ্কেল 17:3

প্রভু লগেপ্রভু কোইয়্যেদে, নানান্ রঙর্ লাম্বা লাম্বা পোর্‌লোই ভরা দাঙর্ ডুয়োবলা এক্কো দাঙর্ ঈগল পেখ্ লেবাননত্ এলঅ। সিবে সিদুগোর্ এক্কো এরস গাজর্ বেগত্তুন অজল্ ডেলা ভাঙিনে বণিক্‌‌কুনোর দেজত্ নেযেইনে বেপারিগুনো শঅরত্ লাগেই দিলো।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

দানিয়েল 2:38

তঅ আঢত্ তে মানুচ্, য়েমান আর পেগ্‌‌‌‌কুনোরে দিয়্যে। তারা যিদু বজত্তি গুরিদাক্ সাৎ তে তারারে বেক্কুনোরে তঅ অধীনোত্ গোজ্যে। তুয়ই সেই সোনার মাঢাবো।

দানিয়েল 4:36

যেক্কে মর্ মনান্ ফিরি এলঅ সেক্কে মর্ রেজ্যর সর্মানত্তে মর্ সয়-সাগোজ্যে আর বাঈনী গরানা মরে ফিরেই দিয়্যে অলঅ। মর্ মন্ত্রীগুনে আর আজল্ মানুচ্চুনে মরে তোগেইনে নিগিলেলাক্ আর মরে আরঅ সিংহাসনত্ বজা অলঅ আর মুই আগত্তুন্‌অ বেশ্ মহান ওলুং।

দানিয়েল 7:12

অন্য য়েমানুনোত্তুন্ খেমতা নেযা অলঅ মাত্তর্ ঠিগ্ গোজ্যে সময় তারারে বাঁজিবাত্তে দিয়্যে অলঅ।

দানিয়েল 7:5

সে পরেদি মুই দ্বিলম্বর য়েমান্নো দেগিলুং। সিবে রিনি চাদে এলদে ভালুগো ধোক্ক্যেন্। তার এক কিত্তেত্তুন্ অন্য কিত্তেদি অজল্ এলঅ আর তা মুয়ো ভিদিরে ডাগ আড়র্ তিন্নো আড়্ এলঅ। তারে কুয়ো অলঅ, তুই যেইনে পেদা টিং টিং গুরি য়েরা হাঃ।

মথি লেখ্যে গম্ হবর্ 24:28

যিয়েনত্ মরা কিয়্যে থেবঅ সিয়েনত্ শকুনুনে এইনে এক সমারে থুবেবাক্।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।

ফগদাং পেইয়্যে 13:2

সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো।