দানিয়েল 7:28 - Chakma Bible

²⁸ “ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 7:28 ပူးပေါင်းရင်းမြစ်များ

পত্থম 37:10

এ স্ববন কধাগান তে তা বাবরে আর ভেইয়ুনো মুজুঙোত্ কনার্‌ পরেদি তা বাবে তারে গেইল্‌ দিইনে কলঅ, “তুই ইয়েন কি বাবোত্যে স্ববন দেগিলে? তঅ মা, ভেইয়ুনে আর মুই কি ঘেচ্চেক্‌গুরি এইনে তঅ মুজুঙোত মাদিত্‌ মাঢা নিগিরিনে জু জু জানেবং?”

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 10:8

সেনত্তে মুই গায় গায় সেই মহৎ দর্শনান দেগিলুং। মঅ ভিদিরে কনঅ বল্ ন-থেলঅ, মঅ মুয়োন মরা ধোক্ক্যেন সুদোমু ওই গেলঅ আর মুই বল্‌পোজ্যে ওই পড়িলুং।

দানিয়েল 11:27

এ দ্বিবে রাজার মন ভান্ন্যেয়দি বেশ্ অনায় তারা এক্কান টেবিলোত্ বুয়োইনে এক্কো আর এক্কোর বিরুদ্ধে মিজে কধা কবাক্, মাত্তর্ সিয়েনত্ কনঅ ফল ন-অবঅ, কিত্যে তারার্ বেক্কানির শেজ্ ঠিগ সময়োত্ এবঅ।

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

দানিয়েল 12:9

জোবত্ তে কলঅ, দানিয়েল, তুই এ পৌইদ্যেনে আর চিদে ন-গুরিচ্, কিত্যে শেষ সময়ান ন-এযানা সং এই বেক্ কধানি নাঢিনে সীলমহ্‌‌‌‌‌‌‌র গুরি রাগা ওইয়্যে।

দানিয়েল 4:16

তার আর মান্‌‌‌‌‌জ্য ধোক্ক্যেন খাচ্চ্যত্ ন-থোক্ আর সাত বজর্ সং তারে য়েমান খাচ্চ্যত্ দিয়্যে ওক্।

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

দানিয়েল 7:15

সেক্কে মুই দানিয়েলর্ স্ববনানত্ মনত্ দুঘ পেলুং আর মুই যিয়েনি যিয়েনি দেখ্যং সিয়েনি মরে কাঙেলেত্যেত্ ফেলেল।

দানিয়েল 8:1

রাজা বেল্‌‌‌‌‌‌‌‌‌‌‌‌শৎসরর রাজাগিরির তিন বজরত্ মুই দানিয়েল আর এক্কান দর্শন পেলুং।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

মার্ক 9:15

মানুচ্চুনে যীশুরে দেগিনে অমকদ আমক্ ওই গেলাক্ আর দাবা যেইনে তারে ভালেদি জানেলাক্।

লূকে লেখ্যে গম্ হবর্ 2:19

মাত্তর্ মরিয়মে বেক্কানি মনত্ রাগেল, কাররে ন-কলঅ; তে সে পৌইদ্যেনে চিদে গরা ধুরিলো।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”