দানিয়েল 7:20 - Chakma Bible

²⁰ তা মাঢাত্ দোশ্‌‌‌‌‌‌‌‌‌‌চো শিং পৌইদ্যেনে আর অন্য যে শিঙো উঠ্যে, যিবের মুজুঙোত্ তিন্নো শিং পড়ি যেইয়্যে, যিবের্ চোগ আর বাড়্‌‌‌‌‌‌‌‌‌‌বো গোজ্যে মু এলঅ আর যিবে অন্যগুনোত্তুন্ দাঙর্ ওই উঠ্যে, সেই শিঙুনো পৌইদ্যেনে জানিবাত্তে চেলুং।

দানিয়েল 7:20 ပူးပေါင်းရင်းမြစ်များ

দানিয়েল 7:11

মুই দেগিলুং উই শিঙো সেক্কেও বাড়্‌‌‌‌‌‌বো গুরিনে কধা কর্। সেই য়েমান্নোরে যেদক্কন সং কাবি ফেলা ন-অলঅ সেদক্কন সং মুই রিনি চেই রলুং। তা কিয়্যেগান ভস্ত গুরিনে জ্বোল্‌‌‌‌‌‌জোল্যে আগুনোত্ ফেলেই দিয়্যে অলঅ।

দানিয়েল 7:19

সেক্কে মুই সেই চের্ লম্বর্ য়েমান্নোর ভেদ্‌তান্ জানিবাত্তে চেলুং। ইবে সেই য়েমান যিবে অন্যগুনোত্তুন্ যুদো আর দর্‌‌‌‌‌‌‌‌‌‌গরেপারা এলঅ, যিবের্ লুয়োর্ দাত্ আর পিদোলর্ নখ এলঅ, যে য়েমান্নো তা শিগেরবোরে কট্টা কট্টা গুরি গিলি ফেলেয়্যে আর বাদ বাদবাগিগান টেঙোই উজ্যে।

দানিয়েল 7:21

সে পরেদি মুই দেগিলুং সেই শিঙো গোজেন মানুচ্চুনো বিরুদ্ধে যুদ্ধো গুরিনে তারারে ওদেই দের্,

দানিয়েল 7:23

সে পরেদি তে মরে এবাবোত্যেগুরি ভাঙি দিলো, চের্ লম্বর্ য়েমান্নো অলঅ পিত্‌থিমীর চের্ লম্বর্ রেজ্যগান। সিয়েন অন্য রেজ্যগানিত্তুন্ যুদো অবঅ আর গোদা পিত্‌‌‌‌‌‌‌‌‌‌‌‌থিমীগানরে মাড়িনে কট্টা কট্টা গুরি গিলিবো।‌‌‌‌‌‌‌‌‌

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।