দানিয়েল 7:17 - Chakma Bible

¹⁷ উই চের্‌বো দাঙর্ য়েমান অলঅ পিত্‌থিমীর চেরান রেজ্য।‌‌‌‌‌‌‌‌‌‌‌‌‌‌‌‌

দানিয়েল 7:17 ပူးပေါင်းရင်းမြစ်များ

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

দানিয়েল 7:16

যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

দানিয়েল 7:18

মাত্তর্ শেজদি দাঙর্ গোজেনর মানুচ্চুনে শাজন্‌ পেইনে উমরত্যে, অয়, উমরত্যে রাজাগিরি গুরিবাক্।

যোহন 18:36

যীশু কলঅ, “মঅ রেজ্যগান্ এ জগদর্ নয়। যুনি মঅ রেজ্যগান্ এ জগদর্ অদঅ সালে মুই যাতে যিহূদী নেতাগুনো আঢত্ ন-পড়ং সেনত্তে মঅ মানুচ্চুনে যুদ্ধো গুরিদাক্; মাত্তর্ মঅ রেজ্যগান্ দঅ ইধুগোর্ নয়।”

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।