দানিয়েল 7:11 - Chakma Bible

¹¹ মুই দেগিলুং উই শিঙো সেক্কেও বাড়্‌‌‌‌‌‌বো গুরিনে কধা কর্। সেই য়েমান্নোরে যেদক্কন সং কাবি ফেলা ন-অলঅ সেদক্কন সং মুই রিনি চেই রলুং। তা কিয়্যেগান ভস্ত গুরিনে জ্বোল্‌‌‌‌‌‌জোল্যে আগুনোত্ ফেলেই দিয়্যে অলঅ।

দানিয়েল 7:11 ပူးပေါင်းရင်းမြစ်များ

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 7:12

অন্য য়েমানুনোত্তুন্ খেমতা নেযা অলঅ মাত্তর্ ঠিগ্ গোজ্যে সময় তারারে বাঁজিবাত্তে দিয়্যে অলঅ।

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।