দানিয়েল 7:10 - Chakma Bible

¹⁰ তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

দানিয়েল 7:10 ပူးပေါင်းရင်းမြစ်များ

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

২ বংশধর 18:18

মীখায় কুয়া ধুরিলো, “সালে তুমি লগেপ্রভুর কধা শুনো। মুই দেগিলুং, লগেপ্রভু তা সিংহাসনত্‌ বোই আঘে তার্‌ ডেনে আহ্‌ বাঙেন্দি বেক্‌ স্বর্গদূত্তুনে আগন্‌।

ইয়োব 25:3

তা সৈন্যগুন কি গণা যায়? তা পহ্‌‌রান বেক্কুনো উগুরে উদে।

গীতসংহিতা 103:21

ও লগেপ্রভুর সেবাগুরিয়্যে বলীদলুন্ যিগুনে তা আওজ্‌চানি পালন গরর্, তুমি তার্ বাঈনী গরঅ।

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

দানিয়েল 7:22

যেদক্কন সং সেই বুড়োবো এইনে দাঙর্ গোজেনর মানুচ্চুনোর তপ্পে রায় ন-দিলো। ইয়েনর্ পরেত্তুন্ ধুরি গোজেনর মানুচ্চুনে রাজাগিরি গরা ধুরিলাক্।

দানিয়েল 7:26

মাত্তর্ পরেদি তার বিচের্ গরা অবঅ আর তার্ খেমতাগান তাত্তুন্ নেযা অবঅ, আর সিয়েন উমরত্তে পুরোপুরি ভস্ত গরা অবঅ।

সখরিয় 14:5

তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 5:11

যেরেদি মুই দেগিলুং; আর মুই সেই সিংহাসন, জেদা প্রাণী আর নেতাগুনোর চেরোকিত্যে ভালোক্কুন স্বর্গদূতোর্ রঅ শুনিলুং। সেই স্বর্গদূত্‌তুনে এলাক্ জনেদি আজার আজার, কোটি কোটি।